Latest Post

ஜவேளை தொழுகைக்குப் பிறகு ஓத வேண்டிய திக்ருகள் அல்லது அவ்ராதுகள் பற்றி நபி (ஸல்) அவர்கள் நிறையவே கற்றுத் தந்திருக்கிறார்கள். தொழுகை முடிந்ததும் இமாம் உட்பட எல்லோரும் அந்த திக்ருகளை அவ்ராதுகளை ஓதிக் கொள்ள வேண்டும்.
இந்த சுன்னத்தான வழிமுறைக்கு மாற்றமாகவே தொழுகைக்குப்பின் ஒருவர் துஆ கேட்க மற்றவர்கள் ஆமீன் கூறும் பழக்கத்தை ஏற்படுத்தியிருக்கிறார்கள். ஐவேளை தொழுகைகளுக்குப் பிறகு ஐந்து மாதிரியான அமைப்பில் துஆக்களை உருவாக்கிக் கொண்டு ஓதிவருகிறார்கள். தொழுகை நடாத்தக் கூடிய இமாம் அந்த துஆக்களை ஓத மற்றவர்கள் கிளிப் பிள்ளைபோல் “ஆமீன்” சொல்லி விட்டு போகிறார்கள். அது மட்டுமல்லாமல் நபி (ஸல்) அவர்கள் ஒவ்வொரு தொழுகைக்கும் ஐந்து மாதிரி -இந்த பள்ளி இமாம் ஓதுகிறமாதிரி- துஆ ஓத சஹாபாக்கள் ஆமீன் சொன்னாரகளா? ஏன்பதை கூட விளங்குவதில்லை.
இமாம் என்ன துஆ ஓதுகிறார். எதைப் பற்றி அவர் துஆ கேட்கிறார். அதன் பொருள் என்ன? யாருடைய நிலையை அறிந்து யாருக்காக துஆ கேட்கிறார். அவருடைய கஷ்டத்தை மனதில் வைத்து துஆ கேட்கிறாரா? பள்ளிக்கு வருகை தந்த ஒவ்வொருவருடைய மனநிலையை அறிந்து புரிந்து துஆ கேட்கிறாரா? என்பது பற்றி எதுவும் தெரியாமல் மக்களும் “ஆமீன்! ஆமீன்!” என்று சொல்லிவிட்டு வருகிறார்கள்.
தொழுகை முடிந்தபின் இமாம், சுப்ஹா னல்லாஹ்(33), அல்ஹம்துலில்லாஹ்(33) அல்லாஹு அக்பர்(34) என்ற எண்ணிக் கையில் திக்ருகளை மாத்திரம் சொல்லுவார். மக்களும் அதனை சொல்லிக் கொண்டிருப்பர். இமாம் திக்ருகள் சொல்லி முடிந்ததும் சப்தமிட்டு துஆ ஓத ஆரம்பித்து விடுவார். உடனே மக்களும் செய்கின்ற திக்ருகளை இடைநடுவில் நிறுத்திவிட்டு இமாமின் துஆவிற்கு ஆமீன் சொல்ல ஆரம்பித்து விடுவர்.
நபி (ஸல்) அவர்கள் கற்றுத் தந்த திக்ருகளை பூரணமாக ஓதி அல்லாஹ்வின் பாவமன்னிப்பை பெற்றுக் கொள்ள வேண்டியவர்கள் அந்த திக்ருகள், அவ்ராதுகளுக்கு முக்கியத்துவம் கொடுக்காமல் யாரோ கண்டுபிடித்து உருவாக்கிய துஆவுக்கு முக்கியத்துவம் கொடுத்து சுன்னாவை புறக்கணித்து விடுகிறார்கள்.
ஒவ்வொருவரும் அல்லாஹ்விடம் தங்களது தேவைகளை முறையிட்டு பிரார்த்திக்கக் கூடிய சிறந்த சந்தர்ப்பம் இது.
தனிமையாக இருந்து உள்ளம் உருகி தங்களுடைய கஷ்டங்களை தேவைகளை அல்லாஹ்விடம் முறையிட்டு பிரார்த்திக்க வேண்டுமே தவிர மற்றவர்களுடைய தேவைகள் என்னவென்று தெரியாத ஒருவர் (இமாம்) தயாரித்து வைத்த துஆவுக்கு ஆமீன் சொல்வது அறிவுள்ள செயலாகுமா?
துஆ ஓதுபவர் தன்னையும் ஏமாற்றி மற்றவர்களையும் ஏமாற்றுகிறார். பள்ளிக்கு வரக்கூடிய (தொழக்கூடிய) நூற்றுக் கணக்கான மக்களுக்கும் ஆயிரக்கணக்கான பிரச்சினைகள் தேவைகள் இருக்கும். ஒவ்வொருவருடைய பிரச்சினைகளும் வெவ்வேறானதாக இருக்கும். எனவே அவர்கள் தான் அவர்களுடைய உண்மையான நிலையை அறிந்து உள்ளம் உருகி சொல்லுகின்ற விடயங்களை நன்குபுரிந்து தனக்கு தெரிந்த மொழியில் அல்லாஹ்விடம் முறையிட்டு பிரார்த்திக்க வேண்டும். இதுதான் அறிவுபூர்வமான செயலும் கூட.
என்னுடைய கஷ்டங்கள் என்ன? தேவைகள் என்ன என்று எனக்கு மட்டும்தான் தெரியும். மற்றவருடைய கஷ்டங்கள் துன்பங்கள் என்ன என்று எனக்குத் தெரியாது. நான்தான் எனது தேவைகளை அல்லாஹ்விடம் முறையிட வேண்டும். மற்றவர்கள் அவரவர்களுடைய தேவைகளை முறையிட வேண்டும்.
இமாம் தன்னுடைய தேவையை கருதி துஆவை கூட்டிக் கொள்ளவோ செய்வார். அவசர தேவை இருந்தால் அவசரமாக ஓதிவிட்டார் நகர்ந்து விடுவார். மக்களுக்கு உண்மை தெரியாததால் துஆவின் பரகத் கிடைத்ததாக எண்ணிக் கொண்டு கைகளை முகத்தில் தடாவிவிட்டு போய்விடுவார்கள்.
தொழுகை நடாத்தக் கூடிய இமாமின் பிரச்சினைகள் என்னவென்று தொழ வரக் கூடிய மக்களுக்குத் தெரியாது. தொழுகைக்கு வந்த மக்களின் பிரச்சினைகள் என்னவென்று இமாமுக்கும் தெரியாது. இந்நிலையில் இமாம் ஒருசில வசனங்களை அரபியில் எழுதி தயார்படுத்தி பாடமாக்கி கூற, அதற்கு மற்றவர்கள் ஆமீன் சொலல வேண்டும் என்பது அறிவீனமில்லையா?
பணத்தை பறிகொடுத்து..
பிள்ளையை பறிகொடுத்து..
மனைவியை ஆஸ்பத்திரியில் அனுமதித்து..
தொழிலை இழந்து..
சொத்தையிழந்து..
அனியாயத்திற்கு ஆளாகி..
வறுமையில் தள்ளாடி..
சோற்றுக்கு வழியின்றி..
ஏழ்மையில் உழன்று..
குடும்ப பிரச்சனையில் சிக்குண்டு..
சமூக பிரச்சனையில் அல்லல்பட்டு..
என பலரும் பல பிரச்சனைகளுடன் பள்ளிக்கு வருபவர். இந்நிலையில் இவர்கள் தயாரித்து வைத்திருக்கும் துஆவிற்கு ஆமீன் சொல்வது பொறுத்தமா? அல்லது தானாக தன்னுடைய பிரச்சனைகளை அல்லாஹ்விடம் முறையிட்டு தனது மனதில் உள்ள பாரத்தை இறக்கி விடுவது பொறுத்தமா?
“துஆ என்பது வணக்கமாகும்” என நபி (ஸல்) அவர்கள் கூறினார்கள். (நூல்: திர்மிதி)
வணக்கமாக புரிகின்ற இந்த துஆவை பணிவுடன் அடக்கத்துடன் அச்சத்துடன் ஆசையுடன் கேட்க வேண்டும். தாழ்ந்த குரலில் கேட்கவேண்டும் மனம் உருகிய நிலையில் அல்லாஹ்விடம் எதைக் கேட்கிறோம் என்று அறிந்த நிலையில்- அல்லாஹ்வின் அருளில் நம்பிக்கை வைத்த நிலையில் துஆ கேட்க வேண்டும். அப்போது தான் அந்த வணக்கம் அர்த்தமுள்ளதாக இருக்கும்.
துஆவுக்கான பணிவும் அச்சமும் தனியாக கேட்கும்போது தான் வருமே தவிர கூட்டத்தோடு கூட்டமாக சப்தமிடுவதால் வருவதில்லை. கூட்டத்தோடு கூட்டமாக இருந்து சப்தமிடும்போது எதைக் கேட்கிறோம் என்ற சிந்தனையோ விளக்கமோ வராது. எல்லோரும் ஆமீன் சொல்லும் போது நாமும் ஆமீன் சொல்ல வேண்டும் என்ற நினைப்பு மட்டும் வரும். கூட்டத்தில் எவராவது அழுவது போல் பாசாங்கு செய்தால் அதைப்பார்த்து பாசாங்கு காட்டி நடிக்கவோ அல்லது சிரிக்கவோ எண்ணம் வரும். ஒவ்வொருவரும் தங்களுடைய நிலையிலிருந்து சிந்தித்தால் உண்மை புரியும். இது எல்லாவற்றையும் நபி(ஸல்) அவர்கள் கூட்டு துஆ ஏற்படுத்தியதில்லை.
எனவே பகுத்தறிவுக்கு பொறுத்தமற்ற இந்த கூட்டு துஆவினால் மக்களை மடையர்களாக ஆக்குகின்றார்கள் என்று கூறுவதை தவிர வேறெதுவுமில்லை. கூட்டு துஆ என்ற அம்சத்தை உருவாக்கி பிறப்பு முதல் இறப்பு வரை கலக்கிக் கொண்டும் பணத்தை பறித்துக் கொண்டுமிருக்கிறார்கள். மக்கள் இதன் விபரீதத்தை புரிந்து கொள்ளவேண்டும்.
நபி (ஸல்) அவர்கள் காட்டித் தந்த பிரகாரம் தொழுகை முடிந்ததும் ஒவ்வொரு வரும் தனித்தனியாக அவ்ராதுகளை ஓதி விட்டு தனித்தனியாக தங்களுடைய தேவைகளை அல்லாஹ்விடம் ஒப்புவித்து பிரார்த்திக்க வேண்டும்.
தொழுகை உட்பட ஏனைய சந்தர்ப்பங்களில் கூட்டாக துஆ ஓத மற்றவர்கள் ஆமீன் கூற ஆதாரமுண்டு என சில செய்திகளை காட்டுகிறார்கள். அதற்கு சஹீஹான ஆதாரங்கள் எதுவுமில்லை.
                                                                                                 எம்.எஸ்.எம். இம்தியாஸ் ஸலபி

மாற்றுக் கருத்துடையவர்களுக்குப் பட்டங்கள், பத்வாக்களாக வழங்கி மகிழ்வடையும் போக்கு அதிகரித்துக் கெண்டே வருகின்றது. காபிர், முஷ்ரிக், முனாபிக், பாஸிக், முப்ததிஃ என பத்வா வழங்கும் முப்திகளாக சிலர் மாறி வருகின்றனர். இது ஆபத்தானதாகும். சொல்லப்பட்டவர் அதற்கு உரியவர் அல்லாமல் இருந்தால் அது சொன்னவரைத்தான் குறிக்கும். அதாவது, சொன்னவர் காபிராவார் என ஹதீஸ்கள் கூறுகின்றன.
“இறைத்தூதர்(ஸல்) அவர்கள் கூறினார்கள்: ஒருவர் தம் (முஸ்லிம்) சகோதரரை நோக்கி ‘காஃபிரே!’ (இறைமறுப்பாளனே!) என்று கூறினால் நிச்சயம் அவர்களிருவரில் ஒருவர் அச்சொல்லுக்கு உரியவராகத் திரும்புவார்” என அபூ ஹுரைரா(ரலி) அறிவித்தார். மற்றோர் அறிவிப்பாளர் தொடர் வழியாகவும் இதே ஹதீஸ் வந்துள்ளது.” (புகாரி: 6103, 6104)
எனவே, பத்வா கொடுக்கும் விடயத்தில் நாம் எச்சரிக்கையாக இருக்க வேண்டும். நாம் பத்வா கொடுக்கும் முப்திகளாக, நீதிபதிகளாக இல்லாமல் அழைப்புக் கொடுக்கும் தாயிகளாக இருக்க வேண்டும்.
அநியாயம் செய்தவன் அநியாயக்காரன். ஷிர்க் செய்தவன் முஷ்ரிக். குப்ர் செய்தவன் காபிர்… என்று சிந்திக்கின்றனர். சில நேரங்களில் சிலர் செய்யும் செயல்களை வைத்து மாத்திரம் நாம் இப்படித் தீர்ப்புக் கூற முடியாது. அப்படி தீர்ப்புக் கூறத் தடையான சில அம்சங்கள் இருக்கலாம். அதை அறியாமல் தீர்ப்புக் கூறினால் நாம் குற்றவாளியாகலாம். இது குறித்த சில ஆதாரங்களையும் அடிப்படைகளையும் நோக்குவோம்.
1. யா அல்லாஹ்! நீ எனது அடிமை:
பாலைவனத்தில் ஒட்டகம் காணாமல் போன ஒருவர் ஒட்டகத்தைக் கண்ட போது, ‘யா அல்லாஹ் நீ எனது அடிமை’ நான் உனது எஜமான்’ என்று மகிழ்ச்சிப் பெருக்கால் தவறாகக் கூறுகின்றார். (சுருக்கம்- ஸஹீஹ் முஸ்லிம்: 2747)
இவர் கூறிய வார்த்தை கொடியது. அல்லாஹ்வைத் தனது அடிமை என்கின்றார். தன்னை அல்லாஹ்வின் எஜமான், கடவுள் என்கிறார் இது மிகப்பெரும் ‘குப்ர்’ குற்றமாக இருந்தாலும் தவறுதலாகச் சொன்னது என்பதால் அவரை நபியவர்கள் காபிராகக் காட்டவில்லை. எனவே, தவறுதலாக ஒரு செயலைச் செய்தவருக்கு அதை அறியாமல் காபிர் பட்டம் கொடுத்தால் நாம்தான் குற்றவாளியாகுவோம்.
2. நபிக்கு ஸஜ்தா செய்தவர்:
ஸஜ்தா என்பது மிக முக்கியமான இபாதத்தாகும். இதை அல்லாஹ் ஒருவனுக்கு மட்டுமே செய்ய வேண்டும். அல்லாஹ் அல்லாதவர்களுக்கு ஸஜ்தா செய்வது ஷிர்க்கான விடயமாகும்.
“முஆத்(ரலி) அவர்கள் யமனில் இருந்து வந்த போது நபி(ஸல்) அவர்களுக்கு ஸஜ்தா செய்தார்கள். அப்போது, ‘முஆதே இது என்ன?’ என்று நபியவர்கள் கேட்டார்கள். அதற்கவர், ‘நான் யமனுக்குச் சென்ற போது அவர்கள் தமது தலைவர்களுக்கு ஸஜ்தா செய்வதைப் பார்த்து உங்களுக்கு இப்படிச் செய்ய வேண்டும் என ஆசை கொண்டேன்’ எனக் கூறினார். அதற்கு, ‘இவ்வாறு செய்ய வேண்டாம்’ என நபியவர்கள் தடுத்தார்கள்.”  அறிவிப்பவர்: அப்துல்லாஹ் இப்னு அபீ அவ்ப்(ரலி) நூல்: இப்னுமாஜா: 1853
இங்கு அவர் செய்தது ஷிர்க்கான செயல்தான். ஆனால், நபியவர்களுக்குச் செய்யும் வணக்கமாகக் கருதி அவர் அதைச் செய்யவில்லை. அதை அவர் மரியாதையாகக் கருதித்தான் செய்தார். நபியவர்கள் அவ்வாறு செய்ய வேண்டாம் எனக் கூறினாலும் செய்தவரை முஷ்ரிக் என்று கூறவில்லை. அவர் வேறு தஃவீல் விளக்கத்துடன் செய்துள்ளதால் அவர் அந்தப் பட்டத்திலிருந்து தப்பிவிடுகின்றார்.
3. குப்ராகவோ, ரித்தத்தாகவோ இதைச் செய்ய வில்லை:
அலி(ரலி) அவர்கள் கூறுகின்றார்கள்: “என்னையும் சுபைர் மற்றும் மிக்தாத்(ரலி) ஆகியோரையும் அழைத்த நபியவர்கள் குறித்த ஓர் இடத்தைக் கூறி அங்கே ஒரு பெண் இருப்பாள். அவளிடம் ஒரு கடிதம் இருக்கின்றது. அதை எடுத்து வாருங்கள் எனக் கூறினார்கள். நாம் குறித்த இடத்திற்குச் சென்ற போது அங்கே ஒரு பெண் இருந்தாள். கடிதம் பற்றிக் கேட்கப்பட்ட போது மறுத்தாள். நீ தராவிட்டால் ஆடைகளைக் களைந்தாவது எடுப்போம் என மிரட்டிய போது அவள் தனது தலைமுடிக்குள் இருந்து ஒரு கடிதத்தை எடுத்துக் கொடுத்தாள். அதில் ஹாதிப் இப்னு அபீ பல்தா(ரலி) அவர்கள் மூலம் மக்கத்துக் குறைஷிகளின் சிலருக்கு நபி(ஸல்) அவர்கள் தொடர்பான சில தகவல்கள் எழுதப்பட்டிருந்தன.
கடிதத்தைப் பார்த்த நபியவர்கள் ஹாதிப்(ரலி) அவர்களை அழைத்து, ‘ஹதிபே! இது என்ன?’ என்று கேட்டார்கள். அதற்கவர், அல்லாஹ்வின் தூதரே அவசரப்படாதீர்கள். மக்காவில் இருக்கும் எனது உறவினர்களைப் பாதுகாக்கும் நோக்கத்தில் நான்தான் இதைச் செய்தேன். நான் இதை குப்ராகவோ, என் மார்க்கத்தில் இருந்து முர்தத்தாகிச் செல்லும் விதத்திலோ இஸ்லாத்தின் பின் குப்ரைத் திருப்திப்படுத்தும் நோக்கத்திலோ செய்யவில்லை என்று கூறினார். 

அதற்கு நபியவர்கள் அவர் கூறியது உண்மைதான் என்றார்கள். உமர்(ரலி) அவர்கள் இந்த முனாபிக்கின் தலையைக் கொய்து விடுகின்றேன் விடுங்கள் என்று கூறிய போது, ‘இல்லை. இவர் பத்ரில் பங்குபற்றியவர். அல்லாஹுதஆலா பத்ர்வாசிகளை நோக்கி நீங்கள் என்ன வேண்டுமானாலும் செய்யுங்கள். உங்களை நான் மன்னித்துவிட்டேன் என்று கூறியுள்ளது உங்களுக்குத் தெரியாதா” என்றார்கள். அறிவிப்பவர்: அலி(ரலி) – நூல்: அஹ்மத் 600)
அவர் செய்த செயல் குப்ரானது. ஆனால், அவரது நோக்கம் குப்ரோ குப்ரை அங்கீகரிப்பதோ அல்ல. உலக நோக்கத்திற்காக செய்துள்ளார். குப்ருக்கு உதவும் ஒரு செயலை இஸ்லாத்திற்கு பாதிப்பை உண்டுபண்ணும் ஒரு செயலை அந்த நோக்கம் இல்லாமல் குப்பார்களிடம் இருந்து தனது குடும்பத்தைப் பாதுகாக்கும் எண்ணத்தில் செய்தார். எனவே, அது குப்ராகவோ ரித்தத்தாகவோ பார்க்கப் படவில்லை. குற்றமாகப் பார்க்கப்பட்டது. அந்தக் குற்றமும் அவர் பத்ர் ஸஹாபி என்பதால் மன்னிக்கப்பட்டுவிட்டது.
எனவே, குப்ரான செயல் செய்தவரைக் கூட உடனடியாக காபிர் என்று கூறிவிட முடியாது. அவருடைய உண்மையான நோக்கம் என்ன என்பதைக் கண்டறிய வேண்டும். நோக்கம், மதம் சார்ந்ததாக இல்லாமல் உலகப் பாதுகாப்பு சார்ந்ததாக இருந்தால் செயல் குற்றமானதாக இருந்தாலும் குப்ருடைய நிலைக்குச் செல்லாது. சில வேளை செயல் குப்ராக இருந்தாலும் இந்தச் செயல் குப்ரானது என்று கூறலாம். அதைச் செய்தவரின் காரணத்தை அறியாவிட்டால் குறித்த நபரைக் காபிர் எனக் கூற முடியாது.
இங்கு இன்னொரு விடயமும் கவனத்திற் கொள்ளப்பட வேண்டும். அவரின் செயற்பாடு குப்ரானது என்பதால் அவரைப் பார்த்து முனாபிக் என்று சொன்ன உமர்(ரலி) அவர்களை நபியவர்கள் கண்டிக்கவில்லை. எனவேதான் இந்த ஹதீஸை இமாம் புகாரி (ரஹ்) அவர்கள், தகுந்த காரணத்தினால் அல்லது அறியாமல் அப்படிக் கூறியவர் காபிராகிவிடுவதில்லை என்று குறிப்பிட்டுள்ளார்கள். உமர்(ரலி) அவர்கள் அறியாமல் கூறியதால்தான் ‘உமரே! உமக்கென்ன தெரியும்?’ என்று கேட்டார்கள். அவர் தெரியாமல் சொன்னதால் அவரும் கண்டிக்கப்படவில்லை. (புகாரி)
4. நிர்ப்பந்தமும் நிறைந்த ஈமானும்:
முஷ்ரிக்குகள் அம்மார் இப்னு யாஸிர்(ரலி) அவர்களைப் பிடித்து சித்திரவதை செய்தனர். அவர் நபியவர்களைத் திட்டுமாறும், அவர்களது கடவுள்கள் குறித்து நல்லவிதமாகக் கூறுமாறும் நிர்ப்பந்திக்கப்பட்டார். இறுதியில் அவர்கள் கூறிய பிரகாரம் செய்து விட்டார். இது குறித்து அவர் நபியவர்களிடம் வந்து கூறினார். அதற்கு நபியவர்கள், ‘உன் உள்ளம் எப்படி இருந்தது’ என்று கேட்டார்கள். அதற்கவர் ‘ஈமானில் நிரம்பியிருந்தது’ என்றார். அதற்கு நபியவர்கள் இதன் பிறகும் அவர்கள் உன்னை நிர்ப்பந்தித்தால் நீயும் இப்படிச் செய்துவிட்டு தப்பி வரலாம் என்று கூறினார்கள். (ஹதீஸின் கருத்து) (நூல்: ஹாகிம்- 3362, பைஹகி: 2531)
இது குறித்து பின்வரும் அல்குர்ஆன் வசனங்கள் அருளப்பட்டன.
“எவர் அல்லாஹ்வை நம்பிக்கை கொண்ட பின் அவரின் உள்ளம் நம்பிக்கையால் அமைதி பெற்ற நிலையில், அவர் நிர்ப்பந்திக்கப்பட்டதின் காரணமாக அவனை (வாயளவில்) நிராகரிக்கிறாரோ (அவர் மீது குற்றமில்லை.) எனினும், எவர்கள் மன நிறைவுடன் நிராகரிப்பை ஏற்றுக் கொள்கின்றார்களோ அவர்கள் மீது அல்லாஹ்வின் கோபம் உண்டாகும். அவர்களுக்கு கடுமையான வேதனையும் உண்டு.” (16:106)
இந்த வசனம் நிர்ப்பந்த நிலையில் உள்ளத்தில் ஈமான் உறுதியாக இருக்கும் நிலையில் தம்மைத் தற்காத்துக் கொள்ள குப்ரை செய்தவர் காபிராகமாட்டார் என்பதாகக் கூறுகின்றது. எனவே, குப்ரான செயலைச் செய்த ஒருவரை உடனே காபிர் எனக் கூறிவிட முடியாது. அவர் ஏதேனும் நிர்ப்பந்தத்தில் செய்தாரா?, அவரது உள்ளத்தின் நிலை என்ன என்பது குறித்தெல்லாம் ஆராய்ந்தே இந்த முடிவை அதற்குரியவர்கள் செய்ய வேண்டும்.
5. பூரண தெளிவற்ற நிலை:
இறைத்தூதர்(ஸல்) அவர்கள் கூறினார்கள்: “(முந்தைய காலத்தில்) நன்மை எதையும் அறவே செய்யாத ஒருவர் ‘நான் இறந்துவிட்டால் என்னை எரித்து, அந்தச் சாம்பலில் பாதியைக் கரையிலும் பாதியைக் கடலிலும் தூவிவிடுங்கள். ஏனெனில், இறைவன் மீதாணையாக! அவன் என்னைத் தண்டிப்பதாக இருந்தால், உலக மக்களில் யாவருக்கும் அளிக்காத வேதனையை அவன் எனக்கு அளித்துவிடுவான்’ என்று சொல்லிவிட்டு இறந்துவிட்டார். 

(அவ்வாறே அவர் உடல் எரிக்கப்பட்டு சாம்பல் தூவப்பட்டது.) பிறகு, அல்லாஹ் கடலுக்கு ஆணையிட்டு அதிலிருந்த அவரின் உடலை ஒன்று திரட்டினான். தரைக்கு ஆணையிட்டு அதிலிருந்தும் அவரின் உடலை ஒன்று திரட்டினான். பிறகு, ‘நீ எதற்காக இப்படிச் செய்தாய்?’ என்று கேட்டான். அதற்கு அவர், ‘உன் அச்சத்தினால் தான். நீ நன்கறிந்தவன்’ என்று சொல்ல, அவரை அல்லாஹ் மன்னித்துவிட்டான்.”
அறிவிப்பவர்: அபூ ஹுரைரா(ரலி)  நூல்: (புகாரி: 7506, முஸ்லிம் 24-2756, முஅத்தா: 51
இந்த மனிதருடைய செயற்பாடு குப்ருடையது. தன்னை இப்படி எரித்துவிட்டால் அல்லாஹ் எழுப்ப மாட்டான் என்று அவர் எண்ணியது போன்ற ஒரு தோற்றமும் இதில் இருக்கின்றது. அதாவது, அவர் அல்லாஹ்வை நம்பியுள்ளார். மறுமையை, சுவர்க்கம், நரகத்தையும் நம்பியுள்ளார். அல்லாஹ் மீதான அச்சமும் அவரிடம் இருந்துள்ளது. ஆனால், அல்லாஹ்வின் “குத்ரத்” எனும் ஸிபத்தை அவர் முழுமையாக சரியாக விளங்காமல் இருந்திருக்க வேண்டும். இந்த வகையில் அவர் மன்னிக்கப் பட்டிருக்கலாம். “எனவே, அறிந்து கொண்டே அல்லாஹ்வுக்கு இணை யாளர்களை ஏற்படுத்தாதீர்கள்.” (2:22)
“நீங்கள் அறிந்து கொண்டே சத்தியத்தை அசத்தியத்துடன் கலக்கவோ, சத்தியத்தை மறைக்கவோ வேண்டாம்.” (2:42)
“உங்கள் பொருட்களை உங்களுக்கிடையில் (ஒருவருக் கொருவர்) தவறான வழியில் உண்ணாதீர்கள். மேலும் நீங்கள் தெரிந்து கொண்டே (பிற) மனிதர்களின் பொருட்களின் ஒரு பகுதியை பாவமான முறையில் உண்பதற்காக அதிகாரிகளிடம் உங்கள் பொருட்களை லஞ்சமாகக் கொண்டு செல்லாதீர்கள்.” (2:188)
“வேதத்தையுடையோரே! நீங்கள் அறிந்து கொண்டே ஏன் சத்தியத்தை அசத்தியத்துடன் கலந்து சத்தியத்தை மறைக் கின்றீர்கள்? ” (3:71)
“நம்பிக்கை கொண்டோரே! நீங்கள் அல்லாஹ்வுக்கும் இத்தூதருக்கும் மோசடி செய்யாதீர்கள். நீங்கள் அறிந்து கொண்டே உங்களிடமுள்ள அமானிதங்களுக்கும் மோசடி செய்யாதீர்கள்.” (8:27)
தெரிந்து கொண்டு செய்யும் போது அந்தக் குற்றத்தின் வீரியம் கூடுகின்றது. இவர் அல்லாஹ்வின் ஸிபத்தைத் தெரிந்து கொண்டு எதையும் மறுக்கவில்லை. அந்த ஸிபத்தைப் பூரணமாக விளங்காமல் இருந்துள்ளார். அத்துடன் அவர் அல்லாஹ்வின் மீதுள்ள அச்சத்தால் தான் பேசுவதன் உண்மையான அர்த்தம் என்ன என்பதை முழுமையாகப் புரியாமல் கூட பேசியிருக்கலாம்.
இவரின் இந்தச் செயலை விமர்சன ரீதியில் பார்த்தால் அவர் எரித்து சாம்பலை தண்ணீரிலும் காற்றிலும் கலந்து விட்டால் அல்லாஹ்வால் தன்னை எழுப்ப முடியாது என நம்பியுள்ளார். இப்படி அல்லாஹ்வை நம்பியவர் முஸ்லிமாக இருக்க முடியாது என்று கூற முடியும். ஆனால், அவரது எண்ணம் என்ன என்பது எமக்குத் தெளிவாகத் தெரியாமல் இந்த சொல்லுக்கு இதுதான் அர்த்தம். இந்தக் கூற்றுக்கு இதுதான் அர்த்தம் என நாமாக தப்ஸீர் எடுத்து தஃவீல் செய்து குப்ர் பட்டம் வழங்க முடியாது.
எனவே, காபிர், முஷ்ரிக், முனாபிக், முப்ததிஃ… என்றெல்லாம் பத்வா கொடுப்பது அனைவரும் கையிலெடுக்கும் சாதாரண விடயமல்ல. இது நின்று நிதானித்து தீர்க்கமான பார்வையுடன் பல நிபந்தனைகளைக் கடந்து எடுக்கப்பட வேண்டிய முடிவாகும். அதையும் அதற்குத் தகுதியானவர்கள் செய்வார்கள். நாம் சத்தியத்தின் பக்கம் அழைப்பவர்களாக இருப்போம். தீர்ப்புக் கூறுவதை அதற்கே உரியவர்களிடம் விட்டு விடுவோம். தாயிகளாக இருப்போம். மாறாக காழிகளாக, முப்திகளாக செயற்படாமல் நம்மை நாம் காப்பாற்றிக் கொள்வோம்.
தெரிந்து கொண்டு செய்யும் போது அந்தக் குற்றத்தின் வீரியம் கூடுகின்றது. இவர் அல்லாஹ்வின் ஸிபத்தைத் தெரிந்து கொண்டு எதையும் மறுக்கவில்லை. அந்த ஸிபத்தைப் பூரணமாக விளங்காமல் இருந்துள்ளார். அத்துடன் அவர் அல்லாஹ்வின்மீதுள்ள அச்சத்தால் தான் பேசுவதன் உண்மையான அர்த்தம் என்ன என்பதை முழுமையாகப் புரியாமல் கூட பேசியிருக்கலாம்.
இவரின் இந்தச் செயலை விமர்சன ரீதியில் பார்த்தால் அவர் எரித்து சாம்பலை தண்ணீரிலும் காற்றிலும் கலந்து விட்டால் அல்லாஹ்வால் தன்னை எழுப்ப முடியாது என நம்பியுள்ளார். இப்படி அல்லாஹ்வை நம்பியவர் முஸ்லிமாக இருக்க முடியாது என்று கூற முடியும். ஆனால், அவரது எண்ணம் என்ன என்பது எமக்குத் தெளிவாகத் தெரியாமல் இந்த சொல்லுக்கு இதுதான் அர்த்தம். இந்தக் கூற்றுக்கு இதுதான் அர்த்தம் என நாமாக தப்ஸீர் எடுத்து தஃவீல் செய்து குப்ர் பட்டம் வழங்க முடியாது.
                                                                    அஷ்சேஹ்  S.H.M. இஸ்மாயில் ஸலபி

நாம் அறிவியலால் ஆளப்படும் தொழில் நுட்பம் நிறைந்த ஓர் உலகில் வாழ்கின்றோம். மனிதன், அவன் பெற்றுள்ள நவீன அறிவைப் பயன்படுத்தி, பல வியத்தகு சாதங்களைப் படைத்து, பெரும் புரட்சிகளைப் புரிந்துவருகின்றான். கற்பனையில் கற்பிதம் செய்யமுடியாத பல புதிய புதிய கண்டுபிடிப்புகளைத் தொடர்ச்சியாக அறிமுகப்படுத்தி, ஆச்சரியம் ஏற்படுத்தி வருகின்றான். அவை மனிதர்களுக்கு நன்மை தரும் அதேவேளை, பெருமளவு தீமையும் ஏற்படுத்துகிறது.
மனிதனின் இயல்பு தீமைகளின் பால் அதிகம் ஈர்க்கப்படுவதால், அவன், நவீன சாதனங்களை நன்மைகளைவிட, தீமையான காரியங்களுக்கு அதிகம் பயன்படுத்திக்கொள்கிறான். ஆக்க சக்தியாக பரிணமிக்க வேண்டிய அரிய அறிவியல் கண்டுபிடிப்புச் சாதனங்கள், இன்று மிகப் பெரும் அழிவு சக்தியாக மாறி பெரும் நாசத்தையும் சீரழிவையும் ஏற்படுத்தியுள்ளன.
இந்த நூற்றாண்டில் மனிதனால் கண்டுபிடிக்கப்பட்ட கருவிகளில் அவனால் தவிர்க்க டிமுயாத. மிக முக்கிய ஒன்று தான் செல்போன்கள் (Cell Phones). நமது நாட்டில் (இலங்கையில்) கையடக்கத் தொலைபேசி சேவையை 1990ம் ஆண்டின் ஆரம்பத்தில் Celtel நிறுவனம் முதல் தடவையாக அறிமுகம் செய்துவைத்தது.
அப்போது, செல்வந்தர்களும், இலட்சாதிபதிகளும் மாத்திரமே இலங்கையில் கையடக்கத் தொலைபேசிகளை விலை கொடுத்து வாங்கிப் பயன்படுத்தினர். ஏழைகள் அதைப்பார்த்து ஏங்க வேண்டிய நிலை இருந்தது. ஆனால், அன்றை நிலை இன்றில்லை. இன்று இலங்கை குடிமகனிடம் ஒன்றுக்கு மேற்பட்ட கையடக்கத் தொலைபேசிகள் உள்ளன.
celltel அறிமுக நாட்களில், இலங்கையில் தொலைபேசி கருவி ஒன்று 75ஆயிரம் ரூபா முதல் ஓர் இலட்சம் ரூபா வரையில் விலை போனது. அதனால், அன்று கையடக்கத் தொலைபேசியை வாங்கிப் பயன்படுத்தியவர்கள். அது ஒரு செங்கல்லைவிட பெரிதாக இருந்ததும் அதனை கையில் ஏந்தியவாறு பொது இடங்களில் நடமாடுவது ஓர் அந்தஸ்துடைய சின்னமாக விளங்கியது.
இப்போது, பல கையடக்கத் தொலைபேசி நிறுவனங்கள் கையடக்கத் தொலைபேசி சேவையை கொடுப்பதற்கான அனுமதியை அரசாங்கத்திடம் பெற்றுள்ளன. பல கம்பனிகள் பல்வேறு வடிவங்களில் மொபைல் போன்களை உற்பத்தி செய்ய ஆரம்பித்தவுடன் படிப்படியாக கையடக்கத் தொலைபேசிகளின் விலை வீழ்ச்சியடைய ஆரம்பித்தது. எனினும், 2G, 3G, 4G, LTE, 5G ஆகிய சேவைகளைக் கொண்ட கையடக்கத் தொலைபேசி இணைப்புகளை கொண்டிருக்கும் கையடக்கத் தொலைபேசிகள் ஓர் இலட்சம் ரூபாவைவிட அதிக விலை போகிறது.
ஆனால், இன்று நம் நாட்டு சந்தைகளில் சாதாரண மக்கள் வாங்கக்கூடிய 2500 ரூபாவில் இருந்து அவர்களின் பண வசதிக்கு ஏற்றாற்போல் வாங்கக்கூடிய விலைக்கு Smart Phone கள் விற்கப்படுகின்றன. முன்னர் கையடக்கத் தொலைபேசி மூலம் பேசுவதற்கு மாத்திரமே முடிந்தது. இன்று இந்த கையடக்கத் தொலைபேசிகளின் முன்னால் ஒருவர் பேசும் போது, மறுபக்கத்தில் உள்ளவரின் வீடியோவை பார்த்துக் கொண்டே பேச முடியும் .
இலங்கையில் 2000 த்திற்கு முன்னைய கால கட்டத்தில் நிலையான தொலைபேசி (Land lines) இணைப்புகளை எடுப்பதற்கு இருந்த பெரும் கஷ்டத்தின் காரணமாக, கையடக்கத் தொலைபேசி சேவை ஆரம்பிக்கப்பட்ட போது, அதிக பிரச்சினையின்றி அவற்றைப் பெறுவதற்கான வாய்ப்பு இருந்தமையினால் இந்த சேவை மகிழ்ச்சியோடு வரவேற்கப்பட்டது.
நாடெங்கிலும் 2005திற்குப் பின்னர் கையடக்கத் தொலைபேசி இணைப்புகளின் எண்ணிக்கை அதிகரித்தது. இன்று ஒரு வீட்டில் இரண்டுக்கு அதிகமான கையடக்கத் தொலைபேசி இணைப்புகள் இருக்கின்றன. அதனால், நிலையான தொலைபேசி இணைப்புகளுக்கு இருந்த மவுசு பெருமளவு குறைந்துவிட்டது. கையடக்கத் தொலைபேசிகள் இன்று மனிதனுடைய வாழ்க்கையில் ஒன்றிணைந்து விட்டதனால், அதனை நாம் தூக்கியெறிய முடியாதிருக்கிறது. அதனால், நாம் அவற்றை அவதானமாக பயன்படுத்திட வேண்டும்.இல்லையேல் அதன் விளைவு பாரதூரமானதாக இருக்கும்.
கையடக்கத் தொலைபேசி இணைப்புகள் ஆரம்பத்தில் மக்களுக்கு மிகவும் சவுகரியமான முறையில் சேவையை பெற்றுக் கொடுப்பதாக இருந்தாலும், இன்று அதுவொரு மனிதகுலத்திற்கு ஏற்பட்ட சாபமாக கூட நன்மக்களால் வெறுக்கப்படும் அளவுக்கு, அதனால் ஏற்படும் தீமைகள் அதிகரித்துவருகின்றன.
இன்று கையடக்கத் தொலைபேசிகள் இல்லாமல் யாரும் இல்லை என்று சொல்லும் அளவு அதன் பயன்பாடு அதிகரித்துள்ளன. 2011ம் ஆண்டில் இலங்கையில் எல்லாமாக ஒரு கோடியே 80இலட் சத்து 3ஆயிரத்து 447 கையடக்கத் தொலைபேசிகள் இருந்தன. 2012 டிசம்பர் மாத முடிவில் இரண்டு கோடியே 3இலட்சம் கையடக்கத் தொலைபேசிகள் பாவனையில் இருந்தன. நமது நாட்டின் இரண்டு கோடி 8 இலட்சம் மக்கள் தொகைக்கு இந்தளவு கையடக்கத் தொலை பேசிகள் இருப்பதனால் கையடக்கத் தொலைபேசிகளுக்கு மக்கள் மத்தியில் உள்ள வரவேற்பை நாம் புரிந்து கொள்ளலாம். அண்மைய கணக்கெடுப்பின்படி இப்பாவனை இன்னும் பல மடங்கு அதிகரித்துள்ளது.
மிகவும் கவலையை ஏற்படுத்தும் விடயம் என்னவென்றால். இன்று அவை பாடசாலை பிள்ளைகளின் கைகளிலும் இருக்கின்றன. பெற்றோர், பாடசாலையில் கற்கும் தமது மாணவச் செல்வங்களுக்கு, ஸ்மாட் போன்களை வாங்கிக் கொடுப்பதன் மூலம் சமூக சீரழிவுகளுக்கு வழியைத் திறந்து விட்டுள்ளனர் என்ற விமர்சினம் தவிர்க்க முடியாதது.
மாணவர்களின் கைகளில் ஸ்மாட் போன்களை பெற்றோர் ஏன் வாங்கிக் கொடுக்கிறார்கள் என்பதற்கான காரணம் என்ன என்பதை அறிய முடியாதிருப்பதாக கல்விச் சமூகத்தினர் கவலை தெரிவித்து வருகின்றனர்.
இன்று, கையில் ‘ஸ்மாட்போன்’ இல்லாத மாணவர்களை காண்பது அரிது. ஒரு கையில் பாடப்புத்தகமும், மறுகையில் ஸ்மாட் போனுமாக அவர்கள் வீதியில் நடமாடுவது சாதாரண காட்சியாகிவிட்டது.
இதனால், பாடசாலை பிள்ளைகளின் ஒழுக்கம் சீர்குலைந்து போயுள்ளது. கையடக்கத் தொலைபேசிகள் மூலம் பாலியல் தொடர்புடைய கேவலமான படங்கள், மற்றும் ஒளிப்பதிவு செய்யப்பட்ட காட்சிகள் பார்க்கப்படுகின்றன. இதனால், எங்கள் நாட்டின் இளம் சந்ததியினரின் ஒழுக்கம் பாரிய சீர்குலைவை நோக்கி வேகமாக நகர்கிறது. விலைமதிக்க முடியாத கல்விப் பருவம், ஒழுக்கம் என்பனவற்றை மாணவன் இழப்பதற்கு செல்போன்கள் தான் மிக முக்கியமான காரணமாக அமைந்துள்ளதாக உளவியலாளர்கள் தெரிவிக்கின்றனர்.
படிப்பிலும் அறிவை வளர்ப்பதிலும் ஆர்வம் காட்ட வேண்டிய பருவத்தில் இருக்கும் பாடசாலை மாணவ – மாணவிகள் இன்றைக்கு திருமணமானவர்கள் கூட அறிந்திராத அளவிற்கு ஆபாச அந்தரங்கங்களை சலனப் படங்களாகப் பார்த்து அறிந்து வைத்திருக்கிறார்கள். புத்தகங்களை சுமந்து செல்லும் இளம் வயது சிறுமிகள் தந்தை யார் என்று சமூகம் எள்ளி நகையாடும் நிலையில் முறையற்ற கருவை சுமக்கும் பரிதாப நிலைக்குத் தள்ளப்பட்டுளளனர். பெற்றோரிடம் எப்படி நடந்துகொள்ள வேண்டும் என்பதை கற்பதற்காக பள்ளிக்குச் செல்லும் சிறுவர்கள் முறையற்ற முறையில் பெற்றோராக மாறிக்கொண்டிருக்கிறார்கள்.
இளம் வயதிலேயே தங்களது பெறுமதிமிக்க எதிர்காலத்தை தொலைபேசிகளுக்குள் தொலைத்து, இலட்சியமற்றவர்களாக இவர்கள் மாறுகிறார்கள். செழித்து வளர வேண்டிய இந்தக் கதிர்கள் சீக்கிரமே சீரழிந்து போவதற்கு செல்போன்கள் முக்கிய காரணியாக இருக்கிறது.
பாடசாலை மாணவர்கள் மட்டுமன்றி பல்கலைக்கழகங்களில் படிக்கும் வாலிபர்களின் இதை விடவும் மோசமாக உள்ளது. நல்ல பல செய்திகளை பரிமாறிக்கொள்ள வேண்டிய மாணவ சமூகம் ஆபாச SMSகளையும், வீடியோக்களையும் பரப்பிக்கொண்டிருக்கிறார்கள்.
படிக்கும் பருவத்திலுள்ள இவர்கள் எத்தகைய உயர்ந்த இலட்சியமும் குறிக்கோளுமின்றி, தட்டுத்தடுமாறி, whatsapp,Facebook, twitter, viber, line, camera என்று இவைகளில் மூழ்கி வெளிவரமுடியாமல், உளவியல் பாதிப்புக்குள்ளாகி, போதைப் பொருள்களிலும் சினிமா, முறைகேடான பாலியல் இன்பம் என்பவற்றில் தஞ்சமடையும் இழிநிலை ஏற்பட்டுவருகிறது. அத்தோடு. இளசுகளை பிஞ்சிலேயே பழுக்கவைத்துவிடுகிறது.
இதனை மேலும் புரிந்து கொள்ள ஒரு கவிஞனின் பின்வரும் சில வரிகள் துணைபுரிகின்றன.
“இளைஞனே! உன்னைப்பற்றி எனக்கு வருகிற தகவல்கள் என் குதூகலத்திற்கே குழி தோண்டுகின்றன.
ஒரு கல்லூரி விடுதிக்கு இரவில் விலை மகளிர் வருவதாய் என் காதுக்கு வருகிறது.
பாவிகளே! அது கல்விச்சாலையா? கலவிச்சாலையா?
வேறொரு விடுதியில் ஒரு மாணவியின் கைப்பையில் போதை மாத்திரைகளும், கர்ப்பத்தடை மாத்திரைகளும் சரி விகிதத்தில் இருந்ததாய்ச் சாட்சி கிடைத்திருக்கிறது.
அடி பாவிப் பெண்ணே! நீ மனதை நிரப்ப வந்தாயா? மடியை நிரப்ப வந்தாயா?”
(சிற்பியே உன்னைச் செதுக்குகிறேன். 2010 பக்கம் : 11)
கையடக்கத் தொலைபேசிகள் ஒரு வகையில் இன்று பாலியல் ரீதியில் விடலைப் பருவத்தைச் சேர்ந்தவர்களையும் மாணவர்களையும் துன்புறுத்தப்படுவதற்கு பிரதான காரணமாகவும் அமைகின்றன. கையடக்கத் தொலைபேசிகள் இளம் சந்ததியினர் கொள்ளைச் சம்பவங்களில் ஈடுபடுவதற்கும் உதவியாக அமைகின்றன என்று ஆய்வுகள் தெரிவிக்கின்றன.
விடலைப் பருவத்தைச் சேர்ந்தவர்கள் கையடக்கத் தொலைபேசிகள் மூலம் காதல், திருட்டுக் கல்யாணம், கொலை, கொள்ளை, போன்ற பல தீய செயற்பாடுகளிலும் சமூக விரோத நடவடிக்கைகளிலும் இறங்குவதற்கு வழியமைத்துள்ளது.
இன்றைய இளைஞர்களில் பலர் இதன் காரணமாக பிற மனிதர்களுடன் நேருக்குநேர் பேசுவதை அதிகளவில் தவிர்த்து வருகின்றனர். Mobile, Tab, Laptop போன்றவைகளுடன்தான் அவர்கள் அதிகம் பேசுகின்றனர்; பழகுகின்றனர். மக்களுடனான நேரடித் தொடர்பு இல்லாமல் போன நிலையில், இவ்வாறான கருவியென்பதே அவர்களுக்குத் துணையாகிப் போயுள்ளது. இதனால், மனிதன் இயந்திர நிலைக்குச் சென்று, விரக்தி, மனநிலைப் பாதிப்புகளுக்கு ஆளாகியுள்ளான். சிலபோது, போன்களால் பெறுமதியான பல உயிர்களும் குடிக்கப்பட்டுள்ளன.
எதிர்காலத்தை வடிவமைக்கப்போகும் இளைய தலைமுறையின் கல்வியையும் எதிர்காலத்தையும் சீரழிக்கின்ற கைத்தொலைபேசிப் பாவனையிலிருந்து அவர்களை விலக்கி வைக்கின்ற காரியத்தையே பெற்றோர் இப்போது அவசரமாகச் செய்ய வேண்டியிருக்கின்றது. மாணவர்கள் கணினி மொபைல் பொன்கள் மூலம் முகநூலுக்கும் மற்றுமுள்ள சமூக வலைத்தளங்களுக்கும் அடிமையாகிப் போவது ஆரோக்கியமான அறிகுறியல்ல. இது கட்டுப்படுத்தப்பட வேண்டியதாகும்.
மனிதனின் இயல்பு தீமைகளின் பக்கமே அதிக நாட்டம் கொள்கிறது. எனவே, செல்போன்களையும் தீமையான காரியங்களுக்கு அதிகம் பயன்படுத்திக்கொள்கின்றான். இன்று இக்கருவிகளால் பெரும் சமூக அவலங்களுக்கு ஆளாக வேண்டிய நிலை ஏற்படுகிறது. கற்றுத்தேற வேண்டிய பாடசாலைப் பருவத்தியேயே மாணவர்கள் செல்போன்களுக்கு அடிமையாகி, நேரத்தை வீணாக்கி, வாலிபத்தையும் வீணாக்கி, கல்லூரியைவிட்டு வெளியேறும் போது, பரிதாபத்திற்குரியோராக இவர்கள் மாறுகிறார்கள். செழித்து வளர வேண்டிய இவர்களது இளமை சீரழிந்து போவதற்கு செல்போன்கள் முக்கிய காரணியாகத் திகழ்வதாக சமூக அவதானிகள் கருத்துத் தெரிவிக்கின்றனர்.
ஆபாசமும் வன்முறைகளும் நிறைந்த சினிமாப் படக்காட்சிகளும் இரட்டை அர்த்தங்கள் நிறைந்த பாடல் வரிகளும் கிளர்ச்சியை ஏற்படுத்தும் இசையும் மனிதனுடைய சிந்தனையை மழுங்கச் செய்து, பாவச் செயல்களின் பக்கம் விரைவாக இழுத்துச் செல்கிறது. பல்வேறு சமூகத் தீமைகளுக்கு பலரை கூட்டணி சேர்க்க செல்போன் மிகவும் பயன்படுகிறது.
தினமும் பாடசாலையில், மதுரசாக்களில் படித்த பாடங்களை மீட்டுவதற்குப் பதிலாக மாணவர்களில் பலர் பொன்னான நேரத்தை செல்போனில் Games விளையாடி வீணடித்துக் கொண்டிருக்கிறார்கள். இன்றை மாணவர்களின் கல்வி, ஒழுக்கம் ஆகியவற்றில் பாரிய வீழ்ச்சி ஏற்படுவதற்கு செல்போன்கள் தான் மிக முக்கியமான காரணமாக அமைகின்றன. காதல், கள்ளத் தொடர்பு, தற்கொலை, கொலை கொள்ளை. கற்றபழிப்பு. வன்முறை என்று இதன் தீமைப் பட்டியல் தொடர்கிறது.
இன்று எந்த மனிதனையும் விட்டுவைக்காத அளவு இதன் தாக்கம் விரவி நிற்கிறது. அலை பேசியா? அல்லது அவதூறுக் கருவியா என்று அங்கலாய்க்கும் அளவு அடுத்தவர்களின் மானத்தின் புனிதம் செல்போன்களால் சேதப்படுத்தப்பட்டு மாசுபடுத்தப்படுகிறது.
பெரும்பாவங்களில் ஒன்றான பிறரைப் பற்றி அவதூறு பேசுவது. இப்பாவத்தை மிக இலகுவாக செல்போன்கள் நமக்கு சம்பாதித்து தந்துகொண்டிருக்கின்றன. சமூக வலைத் தளங்களில் வரும் செய்திகள் உண்மையானதா? பொய்யானதா? என்றெல்லாம் இன்று நம்மில் பலர் பகுப்பாய்வு செய்து பார்ப்பதில்லை. தனக்கு வந்த மாத்திரத்திலேயே பொய்யை போன்கள் மூலம் அடுத்தவர்களுக்குப் பரப்பி, தானும் பாவியாகி மற்றவர்களையும் பாவியாக்குகின்றார்கள்.
கைத்தொலைபேசி மேற்குலக ஆராய்ச்சியாளர்களே கண்டுபிடிக்கப்பட்டது.ஸ்மாட்போன் உட்பட பல நவீன சாதனங்களை அவர்கள் கண்டுபிடித்தனர். ஆனால், ஸ்மாட்போன் போன்ற நவீன சாதனங்களுக்கு மேற்கு நாட்டவர்கள் இன்னுமே நமது நாட்டிலுள்ளோர் அளவிற்கு அடிமையாகி விடவில்லை. போன் பேசியபடி மேற்கு நாடுகளின் வீதியில் அம்மக்கள் நடமாடுவதை காண முடிவதில்லை. கைத்தொலைபேசியில் உரையாடியபடி சென்றதால், வீதியில் செல்லும் வாகனங்களில் அவர்கள் மோதுண்ட செய்தியும் வெளிவரக் காணவில்லை. தொலைபேசியில் உரையாடியபடி ரயில் பாதையினால் சென்று ரயிலில் மோதுண்டு இறந்த செய்தியும் மேற்கு நாடுகளில் இருந்து வருவதில்லை.
இலங்கை, இந்தியா, பாகிஸ்தான், பங்களாதேஷ் போன்ற நாடுகளிலேயே இவ்விதமான சம்பவங்கள் அடிக்கடி இடம்பெறுகின்றன. வீதிவிபத்துகள், ரயிலால் மோதுண்டு மரணமடையும் சம்பவங்கள், சமூக சீர்கேடுகள் போன்ற அத்தனை காரியங்களும் இங்குதான் பாரியளவு இடம்பெறுகின்றன. கட்டுப்படுத்த முடியாத இந்த நிலையினால் மிகப் பெருமாதியான, ஈடு செய்ய முடியாத பல மனித உயிர்களை நமது நாடு இழந்துள்ளது.
‘ஸ்மாட்போன்’ மூலம் ஏற்படுகின்ற அவலங்கள் நமது நாட்டில் அண்மைக்காலமாக பெருகித்தான் போய் விட்டன. இன்று இது அனைவரையும் குறிப்பாக இளைய தலைமுறையை அழிவுப் பாதையில் இட்டுச் செல்லும் பயங்கரமான அறைகூவலாக தலையெடுத்துள்ளது. எனவே, இது தொடர்பாக இளைஞர், யுவதிகளை அறிவுறுத்தும் ஆலோசனைகளும் முன்வைக்கப்படுகின்றன. ஆனாலும், அவலங்கள் தொடரவே செய்கின்றன.
‘ஸ்மாட்போன்’ சீர்கேட்டுக்கான நுழைவாயில் ஆகிவிட்டதால், எமது சமூகம் விழிப்படைய வேண்டியது தருணம் வந்துவிட்டது. எனவே, தீமையும், நன்மையும் கலந்த கையடக்கத் தொலைபேசியை நல்ல விடயங்களுக்கு மாத்திரமே பயன்படுத்த பழகிக் கொள்ள வேண்டும்.

                                                                                                             எம்.ஏ.ஹபீழ் ஸலபி M.A.

ஒவ்வொரு அமல்களையும் நாம் எவ்வாறு செய்ய வேண்டும் என்பதை நபியவர்கள் நமக்கு வழிக்காட்டியுள்ளார்கள்.
அதன் வரிசையில் சூரிய அல்லது சந்திர கிரகணங்கள் ஏற்படும் போது அந்த தொழுகை எவ்வாறு நிறைவேற்றப்பட வேண்டும் என்பதை நடைமுறைப்படுத்தி, தெளிவுப்படுத்தியுள்ளார்கள்.
சூரிய,சந்திர கிரகணங்களின் பின்னணி…
ஒவ்வொரு கால கட்டத்திலும் சில மக்களின் அறியாமையினால் தவறான செய்திகளை பரப்புவது வழமையானதாகும்.
நபியவர்கள் காலத்தில் நபியவர்களின் மகன் இறந்த சந்தர்ப்பத்தில் இந்த நிகழ்வு நடந்ததினால், நபியவர்களின் பிள்ளையின் மரணத்திற்காக தான் இது நிகழ்தது என்று கூறினார்கள்.
அதே போல இது நடப்பதால் ஆட்சியாளருக்கு கேடு.அல்லது நாட்டிற்கு இது நடக்கும் அது நடக்கும் என்று சிலர் தனது மடமையை வெளிக்காட்டுவார்கள்.
யாருடைய இறப்பிற்காகவோ, அல்லது பிறப்பிற்காகவோ இது நடப்பது கிடையாது. அல்லது இதனால் நல்லது அல்லது கெட்டது என்பதும் கிடையாது.
“சூரியனை மையமாகக் கொண்டு, சூரிய குடும்பத்தில் உள்ள பூமி உட்பட எல்லாக் கோள்களும் சுழன்று வருகின்றன. இவ்வாறு சுழன்று வரும் போது, சூரியனுக்கும், பூமிக்கும் இடையே பூமியின் துணைக் கோளான சந்திரன் குறுக்கே வரும். அப்போது சூரியனின் ஒளி தற்காலிகமாக மறைந்து விடும்.இதையே சூரிய கிரகணம் எண்பர்.
சுற்றுப்பாதையில் வரும் போது, எந்த அளவிற்குச் சூரியனை சந்திரன் மறைக்குமோ அந்த அளவிற்கு முழு சூரிய கிரகணம், அல்லது பாதி சூரிய கிரகணம் ஏற்படுவதுண்டு.
இதைப் போன்றே சுழற்ச்சி முறையில் சூரியனுக்கும், சந்திரனுக்கும் இடையே பூமி குறுக்கிடும் போது, சந்திரனின் ஒளி தற்காலிகமாக தடைப்படும் இதையே சந்திர கிரகணம் எண்பர்.  அல்லாஹ் மிக அறிந்தவன்.
கிரகண தொழுகை முறைகள்…
(01) இந்த தொழுகை கூட்டாக தொழுவிக்கப்பட வேண்டும்.
(02) ஆண்களுக்கும், பெண்களுக்கும் ஒரே நேரத்தில் தொழுவிக்கப்பட வேண்டும்.
(03) முதலில் தொழுகையும், இரண்டாவது குத்பாவும் நிகழ்த்தப் பட வேண்டும்.
(04) இந்த தொழுகைக்கான பகிரங்க அறிவித்தல் (அழைப்பு) கொடுக்கப்பட வேண்டும்.
(05) இந்த இரண்டு ரக்அத் தொழுகையில் நான்கு ருகூஃகளும், நான்கு ஸஜ்தாக்களும் செய்ய வேண்டும்.
(06) அல்லது இந்த இரண்டு ரக்அத் தொழுகையில் ஆறு ருகூகளும், நான்கு ஸஜ்தாக்களும் செய்ய வேண்டும்.
(07) அல்லது இந்த இரண்டு ரக்அத் தொழுகையில் எட்டு ருகூகளும், நான்கு ஸஜ்தாக்களும் செய்ய வேண்டும்.
(08) கிரகண தொழுகையில் ருகூஃவில் மட்டும் மாற்றம் செய்ய வேண்டும்.
தொழுகையின் விளக்கமும் ஆதாரங்களும்
இரண்டு ரக்அத்துகளில் நான்கு ருகூஃ என்றால் முதலாவது ரக்அத்தில் சூரா பாதிஹா ஓதி விட்டு, அதன் பின் நீண்ட சூரா ஓத வேண்டும். அதன் பின் ருகூஃ நீண்ட நேரம் செய்ய வேண்டும். பிறகு நிலைக்கு வந்து ஸஜ்தாவிற்கு சென்று விடாமல் மீண்டும் நிலையில் நின்று பாதிஹாவை தவிர்த்து ஏற்கனவே ஓதிய சூராவை விட சற்று குறைத்து நீண்ட நேரம் ஓத வேண்டும். 

அதன் பிறகு ருகூஃ நீண்ட நேரம் செய்ய வேண்டும். அதன் பிறகு நிலைக்கு வந்து வழமைப் போன்று ஸஜ்தாவிற்கு செல்ல வேண்டும். நீண்ட ஸஜ்தாக்கள் செய்ய வேண்டும். 

அடுத்த இரண்டாவது ரக்அத்திலும் அவ்வாறே செய்ய வேண்டும். அதாவது முதல் ரக்அத்தில் இரண்டு ருகூஃகளும், இரண்டாவது ரக்அத்தில் இரண்டு ருகூஃகளும் செய்ய வேண்டும் என்பதை விங்கிக் கொள்ளுங்கள். அதன் பிறகு மரணம், கப்ர், மறுமை, நரகம், சுவனம் அனைத்தையும் உள்ளடக்கியதாக நினைவுப் படுத்தி குத்பா (உபதேசம்) செய்ய வேண்டும். இதற்கான ஆதாரத்தை புகாரி- 1051லும், முஸ்லிம்-1662லும் விரிவாக காணலாம்.
அடுத்ததாக இரண்டு ரக்அத்துகளில் ஆறு ருகூஃ, மற்றும் நான்கு ஸஜ்தாக்கள் என்றாலும் மேற்ச் சுட்டிக் காட்டிய படியே தொழ வேண்டும். அதாவது முதல் ரக்அத்தில் அடுத்தடுத்து தொடராக மூன்று ருகூஃகளும், இரண்டாவது ரக்அத்தில் மூன்று ருகூஃகளும் செய்ய வேண்டும். இதற்கான ஆதாரத்தை முஸ்லிம்- 1652ல் விரிவாக காணலாம்.
அடுத்ததாக இரண்டு ரக்அத்துகளில் எட்டு ருகூஃ, மற்றும் நான்கு ஸஜ்தாக்கள் என்றாலும் மேற்ச் சுட்டிக் காட்டிய படியே தொழ வேண்டும். அதாவது முதல் ரக்அத்தில் அடுத்தடுத்து தொடராக நான்கு ருகூஃகளும், இரண்டாவது ரக்அத்தில் நான்கு ருகூஃகளும் செய்ய வேண்டும். இதற்கான ஆதாரத்தை முஸ்லிம்- 1660ல் விரிவாக காணலாம்.
குறிப்பாக நீங்கள் தொழுவிப்பதற்கு முன் எத்தனை ருகூஃகளை கொண்ட தொழுகையை தொழுவிக்கப் போகிறோம் என்பதை மக்களுக்கு தெளிவுப்படுத்திக் கொள்ளவும். அல்லாஹ் மிக அறிந்தவன்.
அல்லாஹ் நம்மை பொருந்திக் கொள்வானாக !

                                                                   மௌலவி யூனுஸ் தப்ரீஸ்.

[கேள்வி-பதில்] :ஆண்களும்-பெண்களும் ஒரே வகுப்பறையில் குழுவாக அமர்ந்து (GROUP STUDY) கல்வி கற்பதற்கு மார்க்க அனுமதி உண்டா ?  


இன்றைய சூழலில் கல்வித்துறையில் ஆண்களும் பெண்களும் இணைந்து கல்வி கற்பது, அதிலும் குறிப்பாக மருத்துவம் படிக்கும் மாணவ மாணவியர் குரூப் ஸ்டடி என்ற பெயரில் ஒன்றாக அமர்ந்து கல்வி பயில்வது ஆகுமானதா என்பதுவே கேள்வியின் உள்ளடக்கமாகும்.
இவ்விசயத்தில் ( இறைவன் மிகவும் அறிந்தவனாக இருக்கிறான் ) மார்க்க அளவுகோல் யாதெனில், ஆண்களும் பெண்களும் ஒன்றாக அமர்ந்து கல்வி கற்கும் சூழ்நிலை ஏற்படுமானால், வகுப்பறையின் முன் பகுதியில் ஆண்களும், பின் பகுதியில் பெண்களும் அமர்ந்து கல்வி கற்றுவிட்டு, வகுப்பு முடிந்தவுடன் பெண்கள் முதலாவதாக வகுப்பறையை விட்டு வெளியேற வேண்டும். அதன்பின் ஆண்கள் வகுப்பறையை விட்டு வெளியேறக்கூடிய சூழ்நிலையை ஏற்படுத்திக் கொள்வதுதான் சிறந்தது.
ஆனால் இன்றைய கல்வி நிலையங்களில் அவ்வாறான நிலை இல்லை. கல்லூரிகளில் வகுப்பறைக்குள் ஆண்களும் பெண்களும் பேசிக்கொள்வதும், பரிகாசம் செய்து கொள்வதும், வரம்புமீறிய நடவடிக்கைகளில் சில நேரங்களில் ஈடுபடுவதும், அதுபோலவே, தனிமையாக ஜோடி ஜோடியாக இணைந்து மறைவாக அமர்ந்து கொள்வதற்கான இடவசதிகளும் பல கல்லூரிகளில் காண முடிகிறது.
 இதுபோன்ற நடவடிக்கைகளில் முஸ்லிம்கள் அதிகமாக ஈடுபடுவது இல்லை என்றாலும். சில சந்தர்ப்பங்களில் முஸ்லிம் மாணவ மாணவியரும் இந்த சூழ்நிலைக்குள் தங்களை அறியாமலே தள்ளப்படுகிறார்கள் என்பதுதான் நிதர்சனமாகும்.
இருப்பினும் பெரும்பாலான முஸ்லிம் மாணவ மாணவிகள் தங்களது கல்லூரி வளாகத்துக்குள் மிகவும் கண்ணியத்தோடும், மார்க்க விசயங்களில் மிகுந்த கடைபிடிப்போடும், பிற முஸ்லிம் மாணவ மாணவியரும் மார்க்க விசயங்களை பேணி நடக்க வேண்டும் என்ற மிகுந்த ஆர்வத்தோடும் செயல்படுகிறார்கள் என்பது மிகவும் போற்றத்தக்க விசயமாகும். இதை பல கல்லூரி வளாகங்களின் நாம் நேரடியாகவே காணக் கிடைத்தது. அல்ஹம்துலில்லாஹ் …
இந்நிலையைப் பொறுத்தவரை, முஸ்லிம் மாணவ மாணவியர் தங்களால் இயன்றளவு குரூப் ஸ்டடி போன்ற சூழ்நிலைகளை தவிர்த்துக் கொள்வதே நலமாகும். இருப்பினும் தவிர்க்க இயலாத சூழ்நிலை இருக்குமானால், குரூப் ஸ்டடி நடக்கக்கூடிய இடங்களில், தங்களது பார்வையை தாழ்த்திக் கொள்வது, வரம்பு மீறிய பேச்சுக்களையும், தேவையற்ற விசயங்களையும் தவிர்த்துக்கொள்வது, அதிகமான மாணவ மாணவியரை குரூப் ஸ்டடியில் இணைத்துக் கொள்வது, வகுப்பு முடிந்துவிட்டால் விரைவாக வகுப்பறையைவிட்டு வெளியேறிவிடுவது போன்ற செயல்களால் மார்க்க வரம்புகளை மீறாமல், ஓரளவு தங்களை காத்துக்கொண்டு கல்வியை கற்றுக் கொள்ளலாம்.
இஸ்லாமிய கல்லூரி நிறுவனங்களும் பாடத்திட்டங்களில் கவனம் செலுத்துவது போலவே, இவ்விசயத்திலும் அதிக கவனம் செலுத்தி, மார்க்க வரம்புகளை மீறுவதற்கான சூழ்நிலைகள் ஏற்படாமல் இருப்பதற்கு ஆவண செய்யவேண்டும் என்பதே எமது பேராவல்.
எந்த சூழ்நிலையிலும் மார்க்க வரம்புகளை மீறாத நன்மக்களாக நம் அனைவரையும் இறைவன் ஆக்கிவைப்பானாக …
                                                                                                  முஜாஹித் இப்னு ரஸீன்

கண்ணியத்துக்குரிய இஸ்லாமிய சகோதரர்களே..! மனிதன் தவறு செய்கின்றவன் தவறு செய்யாதவன் மனிதன் கிடையாது என்பது அடிப்படை அவன் சொந்த வாழ்வில் செய்யும் தவறுகளில் எவை அவனுக்கும் அல்லாஹ்வுக்கும் மத்தியிலான தவறுகளாக இருக்கின்றதோ அவற்றை எந்த காரணம் கொண்டும் இரண்டாம் நபர் ஒருபுறபிருக்க சம்பந்தபட்ட நபர் வெளியில் பேசி பகிரங்கபடுத்துவதை கூட அல்லாஹ் விரும்ப வில்லை இப்படியானவர்களை அல்லாஹ் மன்னிக்கவும் மாட்டான் என்று இருக்க ஒருவரின் தவறை மற்றவர் பேசித்திரிந்தால் அதற்கான தண்டனை என்ன..? அதை அல்லாஹ் கண்டுகொள்ளாமல் விட்டு விடுவானா..?

தான் இரகசியமாக செய்த தவறைக் கூட பகிரங்கபடுத்துவதை தடை செய்துள்ள மார்க்கத்தில் இருந்து கொண்டு அடுத்தவன் செய்த தவறை சந்தி சந்தியாகவும் முக்காடு போட்டு இணைய தளங்கள் வழியாகவும் பேச முன்வைக்கப்படும் வாதங்களை ஒவ்வொன்றாக உங்களோடு பகிர்ந்து கொள்வது இன்றைய சூழலில் மிக பொறுத்தம் என கருதுகிறேன்.  

* வாதம் 01:
நாம் உண்மையை தானே கூறுகின்றோம்..? அவரை பற்றி இல்லாததை பேசவில்லையே..? 
அபூஹுரைரா (ரலி) அவர்கள் கூறியதாவது: (ஒரு முறை) அல்லாஹ்வின் தூதர் (ஸல்) அவர்கள் (எங்களிடம்) , ” புறம் பேசுதல் என்றால் என்னவென்று உங்களுக்குத் தெரியுமா ?” என்று கேட்டார்கள். அதற்கு மக்கள் , ” அல்லாஹ்வும் அவனுடைய தூதருமே நன்கறிந்தவர்கள் ” என்று பதிலளித்தனர். அல்லாஹ்வின் தூதர் (ஸல்) அவர்கள், ” நீர் உம்முடைய சகோதரரைப் பற்றி அவர் விரும்பாத ஒன்றைக் கூறுவதாகும் ” என்று பதிலளித்தார்கள். அப்போது , ” நான் சொல்லும் குறை என் சகோதரரிடம் இருந்தாலுமா ?

( புறம் பேசுதலாக ஆகும்) , கூறுங்கள் ” என்று கேட்கப்பட்டது. அதற்கு அல்லாஹ்வின் தூதர் (ஸல்) அவர்கள் , ” நீர் சொல்லும் குறை உம்முடைய சகோதரரிடம் இருந்தால்தான் , நீர் அவரைப் பற்றிப் புறம் பேசினீர் என்றாகும். நீர் சொன்ன குறை அவரிடம் இல்லாவிட்டாலோ , நீர் அவரைப் பற்றி அவதூறு சொன்னவராவீர் ” என்று கூறினார்கள். நூல் : முஸ்லிம் 5048

* வாதம் 02:
நாம் இந்த நபர் பற்றி கேள்விப்பட்ட பின் அனைவரிடமும் விசாரித்து அவரின் தொலைதொடர்பு சாதனங்கள் முதல் அணைத்தையுமே கண்காணித்து தான் இந்த முடிவை எடுத்தோம்

*அல்லாஹ் பேசுகின்றான்*
நம்பிக்கை கொண்டோரே ! ஊகங்களில் அதிகமானதை விட்டு விலகிக் கொள்ளுங்கள்! சில ஊகங்கள் பாவமாகும். *துருவித் துருவி ஆராயாதீர்கள்!* உங்களில் ஒருவர் மற்றவரைப் புறம் பேசாதீர்கள்! உங்களில் எவரேனும் இறந்த தமது சகோதரனின் மாமிசத்தைச் சாப்பிட விரும்புவாரா? அதை வெறுப்பீர்கள். அல்லாஹ்வை அஞ்சுங்கள்! அல்லாஹ் மன்னிப்பை ஏற்பவன்; நிகரற்ற அன்புடையோன். திருக்குர்ஆன் 49:12
குறை கூறிப் புறம் பேசும் ஒவ்வொருவனுக்கும் கேடு தான். அல் குர்ஆன் 104:1

அல்லாஹ்வின் தூதர் (ஸல்) அவர்கள் கூறினார்கள் (ஆதாரமில்லாமல் பிறரைச்) சந்தேகிப்பது குறித்து உங்களை நான் எச்சரிக்கிறேன். ஏனெனில் சந்தேகம் கொள்வது , பெரும் பொய்யாகும். (பிறரைப் பற்றித்) துருவித்துருவிக் கேட்காதீர்கள் ; ( அவர்களின் அந்தரங்கம் பற்றி) ஆராயாதீர்கள். (நீங்கள் வாழ்வதற்காகப் பிறர் வீழ வேண்டுமெனப்) போட்டியிட்டுக் கொள்ளாதீர்கள் ; பொறாமை கொள்ளாதீர்கள் ;

கோபம் கொள்ளாதீர்கள். பிணங்கிக்கொள்ளாதீர்கள். (மாறாக) அல்லாஹ்வின் அடியார்களே! (அன்பு காட்டுவதில்) சகோதரர்களாய் இருங்கள். இதை அபூஹுரைரா (ரலி) அவர்கள் அறிவிக்கிறார்கள். நூல் : முஸ்லிம் 5006

புறம் பேசுகின்றவர்களின் மண்ணறை நிலை
இப்னு அப்பாஸ் (ரலி) அவர்கள் கூறியதாவது: (ஒரு முறை) அல்லாஹ்வின் தூதர் (ஸல்) அவர்கள் இரு மண்ணறைகளை (கப்றுகளை)க் கடந்து சென்றார்கள். அப்போது (மண்ணறை களிலுள்ள) இவ்விருவரும் வேதனை செய்யப் படுகிறார்கள். ஆனால் மிகப்பெரும் (பாவச்) செயலுக்காக (இவர்கள்) இருவரும் வேதனை செய்யப்படவில்லலை.
இதோ! இவர் (தம் வாழ்நாளில்) சிறுநீர் கழிக்கும் போது (தம் உடலை) மறைக்க மாட்டார். இதோ! இவர் (மக்களிடையே) கோள் சொல்லி புறம்பேசித் திரிந்து கொண்டிருந்தார் என்று கூறினார்கள். பிறகு பச்சைப் பேரீச்ச மட்டையொன்றைக் கொண்டுவரச் சொல்லி அதை இரண்டாகப் பிளந்து இவர் (மண்ணறை) மீது ஒன்றையும் அவர் (மண்ணறை) மீது ஒன்றையும் நட்டார்கள். பிறகு, இவ்விரண்டின் ஈரம் உலராதவரை இவர்களின் வேதனை குறைக்கப்படலாம் என்று சொன்னார்கள். நூல்: புகாரி 6052

புறம் பேசியவர்களின் மறுமை நிலை
நபி (ஸல்) அவர்கள் கூறுகிறார்கள்: நான் மிஃராஜிற்கு கொண்டு செல்லப்பட்ட போது ஒரு கூட்டத்தார்களை கடந்து சென்றேன். அவர்களுக்கு செம்பு உலோகத்திலான நகங்கள் இருந்தன. அதன் மூலம் தங்களுடைய முகங்களையும், நெஞ்சையும் பிளந்து கொண்டிருந்தார்கள். இவர்கள் யார் என்று ஜிப்ரயீல் (அலை) அவர்களிடம் வினவினேன். அதற்கவர்கள் இவர்கள் தான் (புறம் பேசி) மக்களுடைய இறைச்சியை சாப்பிட்டுக் கொண்டிருந்தார்கள். இன்னும் இவர்கள் தான் மக்களின் மானங்களில் விளையாடிக்கொண்டிருந்தார்கள் என்று கூறினார். நூல்: அபூதாவூத் 4235

*வாதம் 03*
இன்ன பெண்ணுடன் அவர் தனிமையில் இருந்தார் என்பதற்கு சான்றுகள் இருக்க அவர் விபச்சாரத்தில் ஈடுபாட்டார் என்று நம்பாமல் எப்படி நம்புவது...? அதை எப்படி அவதூரு என்று மறுக்கலாம்..?

*அல்லாஹ் கூறுகிறான்*
وَالَّذِيْنَ يَرْمُوْنَ الْمُحْصَنٰتِ ثُمَّ لَمْ يَاْتُوْا بِاَرْبَعَةِ شُهَدَآءَ فَاجْلِدُوْهُمْ ثَمٰنِيْنَ جَلْدَةً وَّلَا تَقْبَلُوْا لَهُمْ شَهَادَةً اَبَدًا‌ وَاُولٰٓٮِٕكَ هُمُ الْفٰسِقُوْنَ ۙ‏ 
எவர்கள் கற்புடைய பெண்கள் மீது அவதூறு சொல்லி பின்னர், நான்கு சாட்சிகளைக் கொண்டுவரவில்லையோ அவர்களுக்கு எண்பது சாட்டையடிகள் கொடுங்கள். இனி, அவர்கள் கூறும் சாட்சியத்தை என்றைக்கும் ஏற்றுக்கொள்ளாதீர்கள். மேலும், அவர்களே தீயவர்கள். (அல்குர்ஆன் : 24:4)
ஆயிஷா ரலி அவர்கள் ஒரு ஆணுடன் தனிமைப்பட வேண்டி ஏற்பட்ட அந்த சம்பவத்தின் பின்னணியில் சொல்லப்பட்ட விபச்சார குற்றசாட்டு தொடர்பில் தீர்வாக இறங்கிய வசனமே இந்த வசனம் இன்று ஆதாரங்களை மறுத்து வாதங்களை கொள்கையாக கொண்டு அடுத்தவர்களின் மானத்தில் கைவைப்போருக்கு இந்த தொடர் வசனங்களின் சபபுன் நுஸூல் போதுமானது..

*வாதம் 04*
நான்கு பேரை கூட்டிக் கொண்டு தான் ஒருவன் விபச்சாரம் செய்வானா..? Cctv , Video, Recording போன்ற வசதிகள் உள்ள காலத்தில் எதற்கு நான்கு சாட்சிகள்..?
*வஹியின் நிழலில் எமது பதில்*
1) இந்த வாதத்தை அல் குர்ஆன் முஃமீன்களுக்குரிய பண்புகளாக கூறும் பண்புகளை கொண்ட ஒரு முஃமின் முன்வைக்க மாட்டான்.
2) ஒருவர் விபச்சாரம் செய்தார் என்பதற்கு 100% வீதம் உறுதியான வீடியோ சான்றாகள் இருந்தால் கூட சம்பந்தபட்டவர் மறுக்கும் போது அதை நேரில் கண்ட நான்கு சாட்சிகள் தேவை என்பது தான் இஸ்லாத்தின் நிலைப்பாடாகும்.

காரணம் இஸ்லாம் அந்த அளவு ஒருவரின் மானத்தை பாதுகாக்கின்றது

*வஹியை அறிவிக்க ஒரு நபித்தோழர் போதும் அடுத்தவரின் மீது விபச்சார குற்றச்சாட்டு சொல்வதாக இருந்தால் அதற்கு நான்கு சாட்சிகள் தேவை அந்த குற்றச்சாட்டை முன்வைத்தவர் வஹியை அறிவிக்கும் பத்ர் யுத்தத்தில் கலந்துகொண்ட ஒரு நபித்தோழராக இருந்தாலும் சரியே நான்கு சாட்சிகளை கொண்டுவராமல் இருந்தால் அவருக்கும் கஷையடி விழும் என்பது தான் இஸ்லாத்தின் நிலைப்பாடு எனும் போது வீடியோ, ஆடியோ போதுமான சான்று என்று கூறுவோர் அதற்கு வைக்கும் வாதங்கள் எதுவும் ஏற்புடையதல்ல என்பதை உறுதிப்படுத்த பின்வரும் செய்தி ஒரு பெரும் சான்றாக உள்ளது*

2671. இப்னு அப்பாஸ்(ரலி) அறிவித்தார். ஹிலால் இப்னு உமய்யா(ரலி) தம் மனைவியை ஷரீக் இப்னு சஹ்மாவுடன் இணைத்து விபசாரக் குற்றம் சாட்டினார். நபி(ஸல்) அவர்கள், 'ஆதாரம் கொண்டுவா! இல்லையென்றால் (அவதூறு செய்ததற்கு தண்டனையாக) உன் முதுகில் கசையடி தரப்படும்' என்று கூறினார்கள்.
அதற்கு அவர்கள், 'இறைத்தூதர் அவர்களே! எங்களில் ஒருவர், தன் மனைவியின் மேல் ஒரு மனிதரைப் பார்த்தாலும் ஆதாரம் தேடிச் செல்ல வேண்டுமா?' என்று கேட்க, நபி(ஸல்) அவர்கள், 'ஆதாரம் கொண்டு வா! இல்லையென்றால் உன் முதுகில் கசையடி தரப்படும்' என்று மீண்டும் கூறினார்கள்.அறிவிப்பாளர் கூறுகிறார்: 
இந்த ஹதீஸை அறிவித்துவிட்டு இப்னு அப்பாஸ்(ரலி) 'லிஆன்' தொடர்பான ஹதீஸைக் கூறினார்கள். ஸஹீஹ் புகாரி அத்தியாயம் : 52. சாட்சியங்கள்..
தன் மனைவி விபச்சாரம் புரிவதை கண்களால் பார்த்து விட்டு நபி ஸல் அவர்களிடம் முறையிட்ட பத்ரில் கலந்துகொண்ட நபித்தோழர் அவர்களுக்கு நபி ஸல் அவர்கள் கூறிய முதல் பதில் என்ன..? ஆதாரம் கொண்டுவா.. இல்லை எனில் முதுகில் கசையடி விழும் என்பது தான் எனும் போது இந்த செய்திகளை கண்டுகொள்களாமல் எங்களுக்கு வீடியோ , ஆடியோ சான்று போதும் என்பவர்களின் நிலை என்ன..? விபச்சாரம் செய்வதை விட ஒருவர் மீது அவதூறு சொல்வது மிகப்பெரிய பாவமாகும்

*ஒருவரின் மானம் உலகில் உள்ள முதல் இறையில்லமாகிய கஃபாவை விட புனிதமானது*

துல்ஹஜ் 10ஆம் நாள்) நபி ஸல்லல்லாஹு அலைஹி வஸல்லம் அவர்கள் ஓர் ஒட்டகத்தின் மீது அமர்ந்திருக்க, ஒரு மனிதர் அதன் கடிவாளத்தைப் பிடித்துக்கொண்டிருந்தார். அப்போது நபி ஸல்லல்லாஹு அலைஹி வஸல்லம் அவர்கள், "இது எந்த நாள்?'' என்று கேட்டார்கள்.
அந்த நாளுக்கு அவர்கள் வேறு பெயர் சூட்டுவார்களோ என்று எண்ணுமளவுக்கு நாங்கள் மௌனமாக இருந்தோம். "இது நஹ்ருடைய (துல்ஹஜ் பத்தாம்) நாள் அல்லவா?'' என்று கேட்டார்கள். நாங்கள் "ஆம்' என்றோம். அடுத்து "இது எந்த மாதம்?'' என்று கேட்டார்கள். அந்த மாதத்துக்கு வேறு பெயர் சூட்டுவார்களோ என்று நாங்கள் எண்ணுமளவுக்கு மௌனமாக இருந்தோம். அப்போது அவர்கள் "இது துல்ஹஜ் மாதமல்லவா?'' என்றார்கள்.
நாங்கள் "ஆம்' என்றோம். நபி ஸல்லல்லாஹு அலைஹி வஸல்லம் அவர்கள் "உங்களது புனிதமிக்க இந்த நகரத்தில் உங்களுடைய புனித மிக்க இந்த மாதத்தில், இன்றைய தினம் எந்த அளவு புனிதமானதோ, அந்த அளவிற்கு உங்கள் உயிர்களும் உங்கள் உடைமைகளும் உங்கள் மானம் மரியதைகளும் உங்களுக்குப் புனித மானவையாகும்'' என்று கூறிவிட்டு, "(இதோ!) இங்கே வந்திருப்பவர் வராதவருக்கு இந்தச் செய்தியைக் கூறிவிடவேண்டும்; ஏனெனில் வருகை தந்திருப்பவர் தம்மைவிட நன்கு புரிந்து நினைவில்கொள்ளும் ஒருவருக்கு இந்தச் செய்தியை சேர்த்துவைக்கக் கூடும்'' என்றார்கள். (அறிவிப்பவர்: அபூபக்ரா ரளியல்லாஹு அன்ஹு, நூல்: புகாரி 67)

*உதாரணமாக:*
ஒருவர் விபச்சாரம் செய்வவதை நானும் இன்னும் இருவரும் நேரில் கண்டு விட்டோம் உரியவர் கையும் களவுமாக மாட்டி விட்டார் இப்படியான சந்தர்ப்பத்தில் அதை நாம் ஊர் ஜமாஅத்துக்கு கொண்டு சென்று அவருக்கு தண்டனை பெற்றுக்கொடுக்க முயற்சி செய்தால் கூட அந்த இடத்தில் தண்டிக்க பட வேண்டியவர்கள் நாங்கள் காரணம் எம்மிடம் நான்கு ஷாஹித்கள் இல்லை அவரின் மானத்தை வெளிப்படுத்தி விட்டோம் என்பதால்
இங்கே எமக்கு தண்டனை வழங்கபடுவதற்கு காரணம் நாம் பொய் கூறிமை அல்ல நாம் நேரில் கண்டது உண்மை அவரின் மானத்தை அம்பல படுத்தியமைக்ககே என்பதை புரிந்து கொள்ள வேண்டும்
நல்லொழுக்கமுள்ள பெண்ணொருத்தியின் மீது விபச்சாரக் குற்றச்சாட்டை முன்வைத்து அதை நிரூபிக்கும் வகையில் நான்கு சாட்சிகளைக் கொண்டு வரவில்லையெனில் குற்றச்சாட்டுச் சொன்னவர்களை எண்பது கசையடி அடிக்க வேண்டும் என்பதே இஸ்லாம் கூறும் குற்றவியல் சட்டமாகும். அவர்களின் சாட்சியம் ஏற்றுக்கொள்ளபட மாட்டாது

وَالَّذِيْنَ يَرْمُوْنَ الْمُحْصَنٰتِ ثُمَّ لَمْ يَاْتُوْا بِاَرْبَعَةِ شُهَدَآءَ فَاجْلِدُوْهُمْ ثَمٰنِيْنَ جَلْدَةً وَّلَا تَقْبَلُوْا لَهُمْ شَهَادَةً اَبَدًا‌ وَاُولٰٓٮِٕكَ هُمُ الْفٰسِقُوْنَ ۙ‏ 
எவர்கள் கற்புடைய பெண்கள் மீது அவதூறு சொல்லி பின்னர், நான்கு சாட்சிகளைக் கொண்டுவரவில்லையோ அவர்களுக்கு எண்பது சாட்டையடிகள் கொடுங்கள். இனி, அவர்கள் கூறும் சாட்சியத்தை என்றைக்கும் ஏற்றுக்கொள்ளாதீர்கள். மேலும், அவர்களே தீயவர்கள். (அல்குர்ஆன் : 24:4)

اِلَّا الَّذِيْنَ تَابُوْا مِنْ بَعْدِ ذٰلِكَ وَاَصْلَحُوْا‌ فَاِنَّ اللّٰهَ غَفُوْرٌ رَّحِيْمٌ‏ 
ஆனால், எவர்கள் இந்தக் குற்றத்திற்குப் பின்னர் பாவமன்னிப்புக் கோரித் தங்களைச் சீர்திருத்திக் கொண்டார்களோ அவர்களைத் தவிர! அல்லாஹ் அவசியம் (அவர்கள் விஷயத்தில்) அதிகம் மன்னிப்பவனாகவும் கருணை புரிபவனாகவும் இருக்கின்றான் (அல்குர்ஆன் : 24:5)

நான் விபச்சாரம் செய்தேன் என்று கூறியவறுடன் நபி ஸல் நடந்து கொண்டமுறை
6824. இப்னு அப்பாஸ்(ரலி) அறிவித்தார். மாஇஸ் இப்னு மாலிக் அவர்கள் நபி(ஸல்) அவர்களிடம் வந்(து தாம் விபசாரம் புரிந்துவிட்டதாக வாக்குமூலம் அளித்)தபோது, அவரிடம் நபி(ஸல்) அவர்கள், '(அவளை) நீர் முத்தமிட்டிருக்கலாம்! அல்லது (கண்ணாலோ கையாலோ) சைகை செய்திரக்கலாம்! அல்லது (ஆசையுடன்) பார்த்திருக்கலாம்!' என்றார்கள்.
அவர், '(அவ்வாறெல்லாம்) இல்லை; இறைத்தூதர் அவர்களே!' என்று கூறினார். நபி(ஸல்) அவர்கள், சாடைமாடையாகக் கேட்காமல் 'அவளுடன் நீர் உடலுறவு கொண்டீரா?' என்று (வெளிப்படையாகவே) கேட்டார்கள். அவர், 'ஆம்' என்று கூறினார். அப்போதுதான் அவருக்குக் கல்லெறி தண்டனை வழங்கும்படி நபி(ஸல்) அவர்கள் உத்தரவிட்டார்கள். ஸஹீஹ் புகாரி அத்தியாயம் : 86. குற்றவியல் தண்டனைகள்

வாதம் 05
என்னிடம் அவர் கூறினார் அவர் கூறுவது பொய் இல்லை என்பதை நான் அறிந்தேன் அதை. அப்படியே தனிப்பட முறையில் ஒரு சிலருடன் நல்ல எண்ணத்தில் பகிர்ந்து கொண்டேன்.
لَوْلَاۤ اِذْ سَمِعْتُمُوْهُ ظَنَّ الْمُؤْمِنُوْنَ وَالْمُؤْمِنٰتُ بِاَنْفُسِهِمْ خَيْرًاۙ وَّقَالُوْا هٰذَاۤ اِفْكٌ مُّبِيْنٌ‏ 
நீங்கள் இதனைச் செவியுற்ற போதே நம்பிக்கையாளர்களான ஆண்களும் பெண்களும் தங்களைப்பற்றி ஏன் நல்லெண்ணம் கொள்ளவில்லை? இது ஓர் ‘அப்பட்டமான அவதூறு’ என்று ஏன் அவர்கள் கூறிடவில்லை? (அல்குர்ஆன் : 24:12)

لَوْلَا جَآءُوْ عَلَيْهِ بِاَرْبَعَةِ شُهَدَآءَ‌ فَاِذْ لَمْ يَاْتُوْا بِالشُّهَدَآءِ فَاُولٰٓٮِٕكَ عِنْدَ اللّٰهِ هُمُ الْـكٰذِبُوْنَ‏ 
அவர்கள் (தங்களுடைய குற்றச்சாட்டை நிரூபிக்க) ஏன் நான்கு சாட்சிகளைக் கொண்டுவரவில்லை? அவ்வாறு அவர்கள் சாட்சிகளைக் கொண்டுவராத நிலையில் அல்லாஹ்விடத்தில் அவர்களே பொய்யர்கள் ஆவர். (அல்குர்ஆன் : 24:13)
உண்மையாக A யும் B யும் விபச்சாரம் செய்யும் காட்சியை கண்டவர் அதற்கு நான்கு பேரை சான்றாக நிறுத்த வில்லை என்றால் அவர் தான் பொய்யர் என்று அல்லாஹ் கூறுகின்றான் காரணம் அடுத்தவர்களின் மானம் புனிதமானது

வாதம் 06
மார்க்க விரோதிகளிடம் இவற்றை நாம் பரப்பவில்லை எங்க ஜமாஅத் உறுப்பினர்களுக்கு மத்தியில் தான் இவற்றை பகிர்ந்து கொண்டோம்.

اِذْ تَلَـقَّوْنَهٗ بِاَ لْسِنَتِكُمْ وَتَقُوْلُوْنَ بِاَ فْوَاهِكُمْ مَّا لَـيْسَ لَـكُمْ بِهٖ عِلْمٌ وَّتَحْسَبُوْنَهٗ هَيِّنًا ‌ وَّهُوَ عِنْدَ اللّٰهِ عَظِيْمٌ‏ 
நீங்கள் எந்த வகையிலும் அறிந்திராத ஒரு விஷயத்தைப் பற்றி உங்கள் வாய்களால் கூறிக்கொண்டு திரிந்தீர்கள்; அதனைச் சாதாரணமாகக் கருதிவிட்டீர்கள். ஆனால், அல்லாஹ்விடத்தில் அதுவோ, மிகப்பெரிய விஷயமாய் இருந்தது. (அல்குர்ஆன் : 24:15)

وَ لَوْلَاۤ اِذْ سَمِعْتُمُوْهُ قُلْتُمْ مَّا يَكُوْنُ لَـنَاۤ اَنْ نَّـتَكَلَّمَ بِهٰذَ ا ‌ سُبْحٰنَكَ هٰذَا بُهْتَانٌ عَظِيْمٌ‏ 
நீங்கள் இதனைக் கேள்விப்பட்டதுமே, “இவ்வாறான விஷயத்தை நாம் பேசுவது நமக்கு ஏற்றதல்ல; ஸுப்ஹானல்லாஹ் அல்லாஹ் தூய்மையானவன்! பெரும் அவதூறாயிற்றே இது!” என்று ஏன் நீங்கள் கூறிடவில்லை? (அல்குர்ஆன் : 24:16)

اِنَّ الَّذِيْنَ يُحِبُّوْنَ اَنْ تَشِيْعَ الْفَاحِشَةُ فِى الَّذِيْنَ اٰمَنُوْا لَهُمْ عَذَابٌ اَلِيْمٌۙ فِى الدُّنْيَا وَالْاٰخِرَةِ‌ وَاللّٰهُ يَعْلَمُ وَاَنْـتُمْ لَا تَعْلَمُوْنَ‏ 
இறைநம்பிக்கை கொண்டோரிடையே மானக்கேடான செயல் பரவிட வேண்டுமென எவர்கள் விரும்புகின்றார்களோ, அவர்கள் இம்மையிலும் மறுமையிலும் துன்புறுத்தும் தண்டனைக்கு உரியவர்களாவர். மேலும், அல்லாஹ் அறிகின்றான்; நீங்கள் அறிவதில்லை. (அல்குர்ஆன் : 24:19)


*யார் மீது வீண் பழி சுமத்தபடுகின்றதோ..? அவரை பார்த்து அல்லாஹ் சொல்கின்றான்*
اِنَّ الَّذِيْنَ جَآءُوْ بِالْاِفْكِ عُصْبَةٌ مِّنْكُمْ‌ لَا تَحْسَبُوْهُ شَرًّا لَّـكُمْ‌ بَلْ هُوَ خَيْرٌ لَّـكُمْ‌ لِكُلِّ امْرِىٴٍ مِّنْهُمْ مَّا اكْتَسَبَ مِنَ الْاِثْمِ‌ وَالَّذِىْ تَوَلّٰى كِبْرَهٗ مِنْهُمْ لَهٗ عَذَابٌ عَظِيْمٌ‏ 
இந்த அவதூறைப் புனைந்துகொண்டு வந்தவர்கள் உங்களில் உள்ள ஒரு கும்பல்தான். இந்நிகழ்ச்சியினை உங்களுக்கு ஏற்பட்ட ஒரு தீங்காகக் கருதாதீர்கள். மாறாக, இதுவும் உங்களுக்கு நன்மையாகவே உள்ளது! அவர்களில் யார் எந்த அளவுக்கு அதில் பங்கேற்றார்களோ அந்த அளவுக்குப் பாவத்தை அவர்கள் சம்பாதித்துக் கொண்டனர். மேலும், அவர்களில் யார் இதில் பெரும் பங்கு வகித்தானோ அவனுக்குப் பெரும் தண்டனை இருக்கிறது. (அல்குர்ஆன் : 24:11)
அவதூறு கூறுபவர்கள் மார்க்கத்தின் இந்த எச்சரிக்கைகளை மனதில் கொண்டு அதுபோன்ற தீமைகளிலிருந்து விலகிட வேண்டும் என்று வாஞ்சையோடு கூறிக் கொள்கிறோம். அவ்வளவு எளிதில் நாங்கள் திருந்துவோமா என்று கேட்பவர்களாக இருந்தால் அவதூறு கூறுவதால் பாதிக்கப்படுவோர்க்கு நன்மைகள் தானே தவிர ஒரு பாதிப்பும் இல்லை தவிர அவதூறு கூறுவோர் அல்லாஹ்வின் தண்டனையிலிருந்து ஒரு போதும் தப்ப இயலாது.
*வாதம் 07*
இன்னவர் விபச்சாரம் செய்தார் என்பதற்கு எம்மிடம் வீடியோ, ஆடியோ ஆதாரமாக பாதுகாப்பாக உள்ளது அதை நாம் ஏன் அழிக்க வேண்டும்..?
*அல்லாஹ் கூறுகின்றான்*
وَالَّذِيْنَ لَا يَدْعُوْنَ مَعَ اللّٰهِ اِلٰهًا اٰخَرَ وَلَا يَقْتُلُوْنَ النَّفْسَ الَّتِىْ حَرَّمَ اللّٰهُ اِلَّا بِالْحَـقِّ وَلَا يَزْنُوْنَ‌ وَمَنْ يَّفْعَلْ ذٰ لِكَ يَلْقَ اَثَامًا ۙ‏ 
மேலும், அவர்கள் அல்லாஹ்வுடன் வேறெந்தத் தெய்வத்தையும் அழைப்பதில்லை. மேலும், (கொலை செய்யக்கூடாது) என்று அல்லாஹ்வினால் தடை செய்யப்பட்ட எந்த உயிரையும் நியாயமின்றி அவர்கள் கொலை செய்வதில்லை; மேலும், விபச்சாரமும் செய்வதில்லை. யாரேனும் இச்செயல்களைச் செய்தால் அவன் தன் பாவத்திற்கான கூலியைப் பெற்றே தீருவான்; (அல்குர்ஆன் : 25:68)


يُضٰعَفْ لَهُ الْعَذَابُ يَوْمَ الْقِيٰمَةِ وَيَخْلُدْ فِيْهٖ مُهَانًا ‏ 
மறுமைநாளில் அவனுக்கு இரட்டிப்பு தண்டனை அளிக்கப்படும். மேலும், அதிலேயே இழிவுக்குரியவனாய் என்றென்றும் அவன் வீழ்ந்து கிடப்பான். (அல்குர்ஆன் : 25:69)

اِلَّا مَنْ تَابَ وَاٰمَنَ وَعَمِلَ عَمَلًاصَالِحًـا فَاُولٰٓٮِٕكَ يُبَدِّلُ اللّٰهُ سَيِّاٰتِهِمْ حَسَنٰتٍ‌ وَكَانَ اللّٰهُ غَفُوْرًا رَّحِيْمًا‏ 
ஆனால் (இந்தப் பாவங்களுக்குப் பின்னர்) எவர் மன்னிப்புக்கோரி, மேலும், நம்பிக்கை கொண்டு நற்செயலும் புரியத்தொடங்கி விட்டிருக்கின்றாரோ அவரைத் தவிர! இத்தகையோரின் தீமைகளை அல்லாஹ் நன்மைகளாக மாற்றி விடுவான்.  
மேலும், அவன் பெரும் மன்னிப்பாளனும் கிருபையாளனுமாவான் (அல்குர்ஆன் : 25:70)

وَمَنْ تَابَ وَعَمِلَ صَالِحًـا فَاِنَّهٗ يَتُوْبُ اِلَى اللّٰهِ مَتَابًا‏ 
எவர் பாவமன்னிப்புக் கோரி, நற்செயலை மேற்கொள்கின்றாரோ அவர் அல்லாஹ்வின் பக்கம் எவ்வாறு திரும்பி வர வேண்டுமோ அவ்வாறு திரும்பி வருகின்றார். (அல்குர்ஆன் : 25:71)

وَالَّذِيْنَ لَا يَشْهَدُوْنَ الزُّوْرَۙ وَ اِذَا مَرُّوْا بِاللَّغْوِ مَرُّوْا كِرَامًا‏ 
மேலும் (ரஹ்மானின் உண்மையான அடியார்கள் யாரெனில்) அவர்கள் பொய்மைக்கு சாட்சியாக இருப்பதில்லை. அவர்கள் ஏதேனும் வீணானவற்றின் அருகில் செல்ல நேர்ந்தால் கண்ணியமானவர்களாய்க் கடந்து சென்றுவிடுவார்கள். (அல்குர்ஆன் : 25:72)


இந்த அடியான் விபச்சாரம் செய்து எந்த ரப்பை கோபமடைய வைத்தானோ அப்படியாபட்ட ரப்புல் ஆலமீனே தவ்பா செய்து மீள்கின்றவர்களின் விபச்சார குற்றத்தை அழித்து நன்மைகளாக மாற்றும் போதும் அடுத்தவர்களின் மானம் தொடர்பான வீடியோ , ஆடியோ ஆதாரங்களை அழியாமல் பாதுகாக்க இவர்கள் யார்...?
*ஒரு பெண்ணை முத்தமிட்ட நபித்தோழர் அவர்களுக்கு நபி ஸல் சொன்ன பரிகாரம்*
இங்கே ஊர் நீக்கமோ.. ஜமாஅத் நீக்கமோ.. வேறு தடைளோ அவருக்கு இல்லை

4687. இப்னு மஸ்ஊத்(ரலி) கூறினார். ஒருவர் (அன்னியப்) பெண் ஒருத்தியை முத்தமிட்டுவிட்டார். இறைத்தூதர்(ஸல்) அவர்களிடம் அந்த மனிதர் வந்து (பரிகாரம் கேட்டு), இந்த விவரத்தைக் கூறினார். அப்போது 'பகலின் இரண்டு ஓரங்களிலும் இரவின் நிலைகளிலும் தொழுகையை நிலை நாட்டுங்கள். திண்ணமாக, நன்மைகள் தீமைகளைக் களைந்துவிடுகின்றன. அல்லாஹ்வை நினைவு கூர்கிறவர்களுக்கு இது ஒரு நினைவூட்டி ஆகும்' எனும் (திருக்குர்ஆன் 11:114 வது) இறைவசனம் அருளப்பட்டது.

அந்த மனிதர், 'இது எனக்கு மட்டுமா? (அல்லது அனைவருக்குமா?)' என்று கேட்டதற்கு நபி(ஸல்) அவர்கள், 'என் சமுதாயத்தினரில் இதன்படி செயல்படும் அனைவருக்கும்தான்' என்று பதிலளித்தார்கள். ஸஹீஹ் புகாரி அத்தியாயம் : 65. திருக்குர்ஆன் விளக்கவுரை

கேட்டததை எல்லாம் உண்மை என கருதி பரப்பிக்கொண்டுள்ள சகோதரர்களுக்கு
அழித்தொழிக்கும் ஏழு பெரும் பாவங்களைத் தவிருங்கள்'' என்று நபி ஸல்லல்லாஹு அலைஹி வஸல்லம் அவர்கள் கூறினார்கள்.
மக்கள், "அல்லாஹ்வின் தூதரே! அவை எவை?'' என்று கேட்டார்கள். நபி ஸல்லல்லாஹு அலைஹி வஸல்லம் அவர்கள், "அல்லாஹ்வுக்கு இணை கற்பிப்பதும், சூனியம் செய்வதும், நியாயமின்றி கொல்லக் கூடாது என்று அல்லாஹ் புனிதப்படுத்தியுள்ள உயிரைக் கொல்வதும், வட்டி உண்பதும், அனாதைகளின் செல்வத்தை உண்பதும், போரின் போது புறமுதுகிட்டு ஓடுவதும் அப்பாவிகளான, இறைநம்பிக்கை கொண்ட, கற்புள்ள பெண்களின் மீது அவதூறு கூறுவதும் தான் (அந்தப் பெரும் பாவங்கள்)'' என்று (பதில்) கூறினார்கள். (அறிவிப்பவர்: அபூஹூரைரா (ரலி), நூல்: புகாரி 2766)

33:58. ஈமான் கொண்ட ஆண்களையும், ஈமான் கொண்ட பெண்களையும் செய்யாத (எதையும் செய்ததாகக்) கூறி எவர் நோவினை செய்கிறார்களோ, அவர்கள் நிச்சயமாக அவதூறையும், வெளிப்படையான பாவத்தையுமே சுமந்து கொள்கிறார்கள்.
ஒவ்வொரு முஸ்லிமும் பிற முஸ்லிமின் மீது அவருடைய இரத்தம், கண்ணியம், பொருள் இவற்றை களங்கப்படுத்துவது ஹராமாகும்” என்று நபி (ஸல்) அவர்கள் கூறினார்கள். (நூல்: முஸ்லிம்)

நபி (ஸல்) அவர்கள் கூறினார்கள்: ஓர் அடியார் அல்லாஹ்வின் திருப்திக் குரிய ஓரு வார்த்தையை சர்வசாதாரணமாக (அதன் பலனைப் பற்றிப் பெரிதாக யோசிக்காமல்) பேசுகிறார். அதன் காரணமாக அல்லாஹ் அவருடைய அந்தஸ்துகளை உயர்த்திவிடுகிறான். ஓர் அடியார் அல்லாஹ்வின் கோபத்துக்குரிய ஒரு வார்த்தையை சர்வசாதாரணமாக (அதன் பின்விளைவைப் பற்றி யோசிக்காமல்) பேசுகிறார். அதன் காரணமாக அவர் நரகத்தில் போய் விழுகிறார். இதை அபூஹுரைரா (ரலி) அவர்கள் அறிவிக்கிறார்கள். நூல்: புகாரி 6478

பொய்யான சொல்லை விட்டும் நீங்கள் விலகிக் கொள்ளுங்கள். அல்குர்ஆன் (22:30)
நன்மையிலும் இறையச்சத்திலும் ஒருவருக்கொருவர் உதவிக் கொள்ளுங்கள்! பாவத்திலும், வரம்பு மீறலிலும் ஒருவருக்கொருவர் உதவிக் கொள்ளாதீர்கள்! அல்லாஹ்வை அஞ்சுங்கள்! அல்லாஹ் கடுமையாகத் தண்டிப்பவன். (அல்குர்ஆன் 5:2)

                                                                                                         அஷ்சேஹ் இன்திஹாப் உமரி 
  

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget