தூய வழி

இந்த காணொளியில் ஜாகிர் நாயக்கிடம் கேள்வி கேட்கும் ஹிந்து பெண் படிக்காத பாமரர் அல்ல. துபாய் இந்திய தூதரகத்தில் பணியாற்றக் கூடிய மெத்த படித்த பெண். அந்த பெண் வைக்கும் கேள்விகளும் மிக சாதுர்யமானவை. அவர் கேட்ட அத்தனை கேள்விகளுக்கும் அழகிய
முறையில் பதில் அளிக்கிறார் ஜாகிர் நாயக்.

                                    தூய வழியில் பயணிப்போம் வாருங்கள்...!

தூய்மையான வணக்கங்களுக்குச் சொந்தக்காரனாகிய அல்லாஹ் தன் திருமறையில் கூறுகிறான்: இரவு பகல் சூரியன் சந்திரன் ஆகியவை அவனது சான்றுகளில் உள்ளவை. சூரியனுக்கோ சந்திரனுக்கோ ஸஜ்தா செய்யாதீர்கள். அவனையே நீங்கள் வணங்கு வோராக இருந்தால் அவற்றைப் படைத்த அல்லாஹ்வுக்கே ஸஜ்தாச் செய்யுங்கள் (அல்குர்ஆன் 41:37)

 நீங்கள் ருகூஉ செய்தீர்களானாலும், ஸூஜூது செய்தீர் களானாலும் ருகூஉவையும் ஸஜ்தாவையும் நிறைவாகச் செய்யுங்கள் என நபி(ஸல்) அவர்கள் கூறினார்கள். (அனஸ் (ரலி) நஸயி 1009)

ஸஜ்தா என்று சொல்லப்படக் கூடிய சிரவணக்கம் இஸ்லாத்தின் பார்வையில் மிகுந்த சிறப்புக்குரியது.

எண்சாண் உடம்பையும் கூனிக்குறுகி ஏழு உறுப்புக்கள் தரையில்படுமாறு தங்களைப் படைத்த இறைவனாகிய அல்லாஹ்வுக்கு மட்டுமே மனிதர்கள் செய்யும் வணக்கம் தான்  ஸஜ்தா என்பது.

ஸஜ்தா என்ற சிரவணக்கம் மனிதன் காட்டக்கூடிய பணிவுகளின் இறுதி எல்லைக்கோடு அல்லது மரியாதைகளின் உச்சகட்டநிலை என்று சொன்னால் அது மிகையாகாது.

மனித உடற்கூற்றில் தலை எத்தனை பிரதான படைப்பாக இருக்கிறது என்பதை மனிதன் சிந்தித்துப் பார்ப்பானே யானால் வல்ல நாயன் அல்லாஹ்  எத்தனை நுண்ணறிவோடு அதைப் படைத்திருக்கிறான் என்ற அற்புதத்தை புரிந்து கொள்வதுடன் அந்த தலை அல்லாஹ் ஒருவனுக்கு மட்டுமே சாய்க்கப்பட வேண்டிய ஒன்று மற்ற யாருக்கும் எதற்கும் சாய்க்கப்பட கூடாத ஒன்று என்ற மிகமிகச் சரியான -  நியாயமான உணர்வுகளையும் அம்மனிதன் பெற்றுக் கொள்ள முடியும். இன்றைக்கு மனிதர்களைப் பார்க்கிறோம்.

மனிதர்களில் சிலர் எது எதையோ வணங்குவதை  சிரம் தாழ்த்தி வணங்குவதைப் பார்க்கிறோம். விழுந்து கும்பிடுவதைப் பார்க்கிறோம். நெடுஞ்சாண்டையாக விழுவதைப் பார்க்கிறோம். தங்களை விட கீழான கீழினும் கேவலமான படைப்புகளுக்கெல்லாம் சிரவணக்கம் செய்வதைப் பார்க்கிறோம். எந்தவொன்றையும் படைக்கவோ பாதுகாக்கவோ சக்தி இல்லாதவைகளுக்கு போய் சிந்திக்கும் ஆற்றல் பெற்ற மனிதன் போய் சிரம் சாய்த்து வணங்குகிறான்.

அப்படி அவைகளுக்கு சிரம் சாய்ப்பதற்கு அம்மனிதன் ஏதும் வேத ஆதாரத்தைப் பெற்றிருக்கிறானா? நபித்துவத்தின் ஆதாரத்தை பெற்றுள்ளானா என்று ஆராய்ந்து பார்த்தால் சுத்தமாக இல்லை. ஷைத்தானிய ஊசலாட்டம். மனோஇச்சைகளின்  தூண்டுதல் இவற்றுக்கு ஆட்பட்டுப்போய் அழிவிலும் அவமானத்திலும் போய் மனிதர்களில் சிலர் வீழ்ந்துள்ளனர். மேதை என்பார்கள். ஜீனியஸ் என்பார்கள். அரசியல் வித்தகர் என்பார்கள்.

விஞ்ஞானத்தில் மேம்பட்டவர் என்று பாராட்டுவார்கள். ஆனால் மெய்யறிவின் குறைபாட்டால் தன்னைப் படைத்த இரட்சகனுக்கு  உண்மையான இறைவனுக்கு  சிரம் சாய்க்கும் பாக்கியமில்லாமல் இருப்பதை நாம் பார்க்கிறோம். ஆனால் மகத்தான இரட்சகன் அல்லாஹ்வின் கிருபையால் அவனுக்கு ஸஜ்தா செய்யும் பாக்கியம் பெற்ற நாம் எந்த அளவுக்கு அந்த விஷயத்தில்  கண்ணும் கருத்துமாக இருந்து வருகிறோம்?

ஸஜ்தா செய்வது நல்லடியார்களின் பண்பு: அல்லாஹ் கூறுகிறான்.

அளவற்ற அருளாளனின் அடியார்கள் பூமியில் பணிவாக நடப்பார்கள். தம்முடன் அறிவீனர்கள் உரையாடும் போது ஸலாம் கூறி விடுவார்கள். அவர்கள் தமது இறைவனுக்காக ஸஜ்தாச் செய்தும் நின்றும் இரவைக் கழிப்பார்கள்.    அல்குர்ஆன். (25: 63 – 64)

 நம்பிக்கைக் கொண்டோரே!ருகூவு செய்யுங்கள்! ஸஜ்தாச் செய்யுங்கள்! உங்கள் இறைவளை வணங்குங்கள். நன்மையைச் செய்யுங்கள். நீங்கள் வெற்றி பெறுவீர்கள். (அல்குர்ஆன் 22:77)

அடிபணியாதவர்களின் நிலை: அல்லாஹ் கூறுகிறான்:

அளவற்ற அருளாளனுக்கு ஸஜ்தாச் செய்யுங்கள் என்று அவர்களிடம் கூறப்படும்போது அது என்ன அளவற்ற அருளாளன்? நீர் கட்டளையிடுபவருக்கு நாங்கள் ஸஜ்தாச் செய்வோமா? என்று கேட்கின்றனர். இது அவர்களுக்கு வெறுப்பையே அதிகமாக்கியது (அல்குர்ஆன். 25: 60)

அல்லாஹ்வின் தூதரே! கியாமத் நாளில் எங்கள் இறைவனை நாங்கள் காண முடியுமா? என்று சிலர் நபி (ஸல்) அவர்களிடம் கேட்டார்கள். அதற்கு நபி(ஸல்) மேகம் மறைக்காத முழு நிலவைக் காண்பதில் நீங்கள் ஐயம் கொள்வீர்களா? என்று கெட்டார்கள். நபித்தோழர்கள் அல்லாஹ்வின் தூதரே! இல்லை என்றார்கள். மீண்டும் நபி(ஸல்) அவர்கள் மேகம் மறைக்காத சூரியனைக் காண்பதில் நீங்கள் ஐயம் கொள்வீர்களா?  என்று கேட்டார்கள். அதற்கும் நபித்தோழர்கள் இல்லை என்றனர். அதற்கு நபி(ஸல்) அவர்கள் இதேப்போல்தான் நீங்கள் உங்கள் இறைவனைக் காண்பீர்கள் என்று கூறினார்கள்.

தொடர்ந்து கியாமத் நாளில் மக்களெல்லாம் ஒன்று திரட்டப்பட்டதும் யார் எதனை வணங்கினார்களோ அதனை பின்பற்றி செல்லட்டும் என்ற இறைவன் கூறுவான்.சிலர் சூரியனை பின்பற்றுவர்.சிலர் சந்திரனைப் பின்பற்றுவர். மற்றும் சிலர் தீயசக்திகளைப் பின்பற்றுவர் அப்போது இறைவன் அவர்களை நோக்கி நான் தான் உங்கள் இறைவன் என்பான். அதற்கு அவர்கள் எங்கள் இறைவன் எங்களிடம் வரும் வரை நாங்கள் இங்கேயே இருப்போம்.

 எங்கள் இறைவன் எங்களிடம் வந்தால் அவனை நாங்கள் அறிந்து கொள்வோம் என்பார்கள். பின்னர் அல்லாஹ், அவர்களிடம் வந்து நான்தான் உங்கள் இறைவன  என்பான். அதற்கு அவர்கள் நீ எங்கள் இறைவன் தான்! என்பார்கள்;

பின்பு அவர்களை இறைவன் அழைப்பான். நரகத்தின் மேற்பரப்பில் பாலம் ஒன்று ஏற்படுத்தப்படும். நபிமார்கள், தத்தமது சமுதாயத்தினருடன் அதைக் கடப்பார்கள். அவ்வாறு கடந்து செல்பவர்களில் நானே முதல் நபராக இருப்பேன். அன்றைய தினத்தில் இறைத்தூதர்களைத் தவிர வேறு யாரும் பேச மாட்டார்கள். இறைவா! காப்பாற்று! இறைவா காப்பாற்று! என்பதே அன்றைய தினம் பேச்சாக இருக்கும். நரகத்தில் கருவேல மரத்தின் முட்கள் போன்ற இரும்பு ஆயுதங்கள் இருக்கும். என்ற நபி(ஸல்) அவர்கள் கூறி விட்டு நீங்கள் கருவேல மரத்தின் முள்ளைப் பார்த்திருக்கிறீர்களா? என்ற கேட்டார்கள். நபித்தோழர்கள் ஆம் என்றனர்.  அதற்கு நபி(ஸல்) அவர்கள் நிச்சயமாக அது கருவேல மரத்தின் முள் போன்றுதான் இருக்கும் என்றாலும் அதன் பருமனை அல்லாஹ்வைத் தவிர வேறெவரும் அறியமாட்டார்கள். அது மனிதர்களின் செயல்களுக்கேற்ப அவர்களை இழுக்கும்.

 நல்லறங்கள் முழுவதும் அழிக்கப்பட்டவர்களும் அவர்களில் இருப்பர். கடுகளவு அமல்கள் எஞ்சியிருந்து அதனால் வெற்றி பெற்றவர்களும் அவர்களில் இருப்பர். நரகவாசிகளில் அல்லாஹ் நாடுபவர்களுக்கு அருள் செய்ய எண்ணும்போது அல்லாஹ்வை வணங்கிக் கொண்டிருந்வர்களை நரகிலிருந்து வெளியேற்றுமாறு வானவர்களுக்கு உத்தரவிடுவான். வானவர்கள் அவர்களை வெளியேற்று வார்கள் ஸஜ்தா செய்த அடையாளத்தை வைத்து இவர்களை வானவர்கள் அடையாளம்;காண்பார்கள்.

 ஸஜ்தாச் செய்ததினால் வடுக்களை நரகம் தீண்டாது நரகத்திற்கு அல்லாஹ் ஹராமாக்கி வைத்து விட்டான். அவர்கள் நரகலிருந்து வெளியேற்றப்படுவார்கள். ஸஜ்தாவின் வடுவைத்தவிர மனிதனின் முழு உடம்பையும் நரகம் சாப்பிட்டு விடும். நரகிலிருந்த கரிந்தவர்களாக வெளியேறுவார்கள். அவர்கள் மீது உயிர்தண்ணிர் தெளிக்கப்படும். ஆற்றோரத்தில் தானியம் வளர்வது போல் அவர்கள் செழிப்பார்கள். பின்னர் அடியார்களுக்கிடையே அல்லாஹ் தீர்ப்பை முடித்து வைப்பான்.(அபூஹூரைரா(ரலி) புகாரி )

ஸஜ்தாச் செய்யும் முறை: 

நீங்கள் ருகூஉ செய்தீர்களானாலும், ஸூஜூது செய்தீர் களானாலும் ருகூஉவையும் ஸஜ்தாவையும் நிறைவாகச் செய்யுங்கள் என நபி(ஸல்) அவர்கள் கூறினார்கள். (அனஸ்(ரலி) நஸயி 1009)

அல்லாஹ்வின் தூதர்(ஸல்) அவர்கள் கூறினார்கள்:

நெற்றி, இரு கைகள், இரண்டு மூட்டுக்கால்கள், இரண்டு பாதங்களின் முனைகள் ஆகிய ஏழு உறுப்புகள் படுமாறு ஸஜ்தா செய்யும்படி நான் கட்டளையிடப்பட்டுள்ளேன். ஆடையோ முடியோ (தரையில்படாதவாறு) தடுக்கக்கூடாது எனவும் கட்டளையிடப்பட்டுள்ளேன்.(இப்னு அப்பாஸ்(ரலி) புகாரி 806)

 உங்களில் ஒருவர் ஸஜ்தாச் செய்தால் ஒட்டகம் (கால்நடை) அமருவதைப் போன்று அமராதீர்கள். அவரது இரு கைகளையும் முதலில் வைக்கவும் என நபி(ஸல்) அவர்கள் கூறியுள்ளார்கள்.(அபூஹூiரா(ரலி),அபூதாவுத் அஹ்மது, நஸயி)

 நபி(ஸல்) அவர்கள் ஸஜ்தாச் செய்வார்களானால் தங்களது மூக்கையும் நெற்றியையும் தரையின் மீது அழுத்தமாக வைப்பார்கள்.இன்னும் தங்களது இரு கைகளையும் விலாப் பகுதியிலிருந்து தூரமாக்கி  தங்களது இருமுன் கைகளையும் தங்களது தோள் பட்டைகளுக்கு சமமாக ஆக்குவார்கள். அபுஹூரைரா(ரலி) அபூதாவுத்

 பூமியில் நெற்றி தொட்டதை எவரின் மூக்குத் தொட வில்லையோ அவருக்குத் தொழுகையில்லை என நபி(ஸல்) அவர்கள் கூறினார்கள்.இப்னு அப்பாஸ்(ரலி) தாரகுத்னி

தொழுகையில் திருடர்கள்: 

 மனிதர்களில் திருட்டுத்தனம் செய்பவர்களில் மிகக் கெட்டவன் தொழுகையில் திருட்டுத்தனம் செய்யக்கூடியவனே! என நபி(ஸல்) அவர்கள் கூறினார்கள். (அப்போது சஹாபாக்கள்) அல்லாஹ்வின் தூதர் அவர்களே! தொழுகையில் அவன் எவ்வாறு திருட்டுத்தனம் செய்வான்? எனக் கேட்டனர். (அதற்கு நபி(ஸல்) அவர்கள், தொழுகையில் ருகூவையும் ஸூஜூதையும் அவன் நிறைவாகச் செய்ய மாட்டான் (அவ்வாறு நிறைவாகச் செய்யாதவனே திருடர்களில் மிகக் கெட்டவன் எனக் கூறினார்கள்.அபூகதாதா(ரலி),நுஃமான் பின் முர்ரா(ரலி) இப்னு அபீ ஸைபா, தப்ரானி அஹ்மது)

ஸஜ்தாவின் துஆக்கள்:

ஸூப்ஹான ரப்பியல் அஃலா (மிக உயர்வுமிக்க என் இரட்சகன் தூயவன்) என்று நபி(ஸல்) அவர்கள் ஸூஜூதில் மூன்று முறைக் கூறக்கூடியவர்களாக இருந்தார்கள். (ஹுதைஃபா(ரலி) நஸயீ)

நபி(ஸல்) அவர்கள் தங்களது ருகூவிலும் ஸூஜூதிலும்  ஸூப்பூஹூன் குத்தூஸூன் ரப்புல் மலாயிகத்தி வர்ரூஹ் (துதிக்கப்படுபவனும், பரிசுத்தமாக்கப்படுபவனும் ரூஹ் என அழைக்கப்பட்ட ஜிப்ரயில் அவர்களுக்கும் இரட்சகனாகிய அல்லாஹ் தூயவன்) என்று கூறக்கூடியவர்களாக இருந்தார்கள்.ஆயிஷா(ரலி) நஸயி 1086)

 இப்படி ஏகத்துவ உறுதியை இறைவனிடம் பணிவை இம்மை மறுமையில் நாம் கற்பனை செய்துகூட பார்க்க முடியாத எண்ணற்ற நன்மைகளை பெற்றுதரும் ஸஜ்தா என்ற செயலை அல்லாஹ்வுக்காக உறுதியுடன் செய்யும் நன்மக்களாக நாம் அனைவரும் ஆகிட வல்ல நாயன் அல்லாஹ் நற்கிருபை செய்வானாக!

இதையும் பார்க்க:-
                * நபிகள் நாயகத்தின் தீர்ப்பை நோக்கி நகருமா முஸ்லிம் ...
               * பள்ளியில் கடைப் பிடிக்க வேண்டிய ஒழுக்கங்கள்
               * இப்ராஹீமுடைய மார்க்கத்தைப் புறக்கணிப்பவன் யார்?
               * நபிமார்கள் கேட்ட துஆக்கள்...!
               * கணவன் மனைவி ஆடையின்றி உடலுறவு கொள்ளலாமா?

எனவே சகோதர சகோதரிகளே! நாம் செய்ய வேண்டியது என்ன?
மரணவேளை எப்போது நிகழும் என்று எந்த மனிதனும் அறிய முடியாது. அவ்வேளை நெருங்கி வரும் முன் நாம் நமது அமல்களைப் பெருக்கிக் கொள்வோம். ''இஸ்லாம்'' இறைவனின் மார்க்கம்தான் என்று சந்தேகமற்ற நம்பவேண்டும். இறைவன் ஒன்றைக் கட்டளையிட்டு விட்டால் இந்த உலகமே எதிர்த்து நின்றாலும் இறைவன் சொன்ன கட்டளைக்கு மாறு செய்யாமல் உறுதியாக நிலைத்து நிற்க வேண்டும். நமது ஈமான் (நம்பிக்கை) அதிகமாக வேண்டும்.

விபச்சாரம் போன்ற மானக்கேடான செயல்களிலிருந்து நம்மை நாம் காத்துக் கொள்ளவேண்டும்.

மது, சூதாட்டம், போதைப் பொருட்கள் போன்ற இறைவன் விரும்பாத அனைத்து செயல்களைவிட்டும் நம்மை நாம் பாதுகாத்துக் கொள்ளவேண்டும்.

ஏமாற்றுதல், அளவு நிலவையில் மோசடி செய்தல், அமானித மோசடி, வாக்கு மாறுதல், பொய் பேசுதல் போன்ற இழிசெயல்கள் நம்மைவிட்டு ஓடிவிட வேண்டும்.

அடுத்தவர்களைப் பற்றி புறம் பேசுவது, இங்கொன்றும் அங்கொன்றுமாக பேசுவது, பொறாமைப்படுதல், அவதூறு கூறுவது, குடும்ப சண்டைகள் போன்ற நாகரிகமற்ற செயல்களை விட்டும் நாம் விடுபட வேண்டும்.

இறைவனின் கட்டளைக்கு மாறான, அற்பச் செயலும், சமூகக் கொடுமையும், அக்கிரமமும், அநியாயமும், அநாகரிகமுமான வரதட்சணை போன்ற பாவங்களிலிருந்து நாமும் விலகி, நம் சமூகத்தையும் விலக்க வேண்டும். இவ்வரதட்சணைக் கொடுமைக்கு துணைபோகிறவர்கள், இக்கொடுமையை இழைப்பவர்கள், இதற்கு ஆதரவளிப்பவர்கள் அனைவரும் இறைவனின் முன்னிலையில் தண்டனைக்குரியவர்கள் என்பதை மக்களுக்கு உணர்த்த வேண்டும்.

எல்லாவற்றையும் விட மிகப்பெரிய அநியாயமும், அக்கிரமுமான இறைவன் மன்னிக்காத, இறைவன் விரும்பாத சமாதி வழிபாடு, பெரியேர்களுக்கு நேர்ச்சை செய்வது, ஜோசியம் பார்ப்பது, ஜாதகம் பார்ப்பது, நல்லநேரம் என நம்புவது, செய்வினைகளை நம்புவது, குத்பியத் மவ்லிது போன்ற இணை வைத்தல்கள் (ஷிர்க்) என்னும் மகா பாவங்களிலிருந்தும், மூடபழக்கவழக்கங்களிலிருந்தும் நம்மை நாம் காத்துக் கொண்டு இந்த மாய உலகத்தில், நாம் எதற்காக படைக்கப் பட்டிருக்கின்றோம்? நமது இலட்சியம் என்ன? என்று நம்மை நாமே உணர்ந்து செயல்படுவோமாக!

இன்று இஸ்லாத்தின் எதிரிகளால்; ''இஸ்லாமிய பயங்கரவாதம்'' என்ற விஷப் பிரச்சாரம் உலக அளவில் முழுவீச்சில் கட்டவிழ்த்துவிடப்பட்டுள்ள இக்காலச் சூழ்நிலைiயின் அபாயத்தைக் கருத்தில் கொண்டு, திருக்குர்ஆனை அதன் மொழியாக்கத்தோடு நாம் படித்து சிந்தித்து அவைகளை நாம் பின்பற்றி நடப்பது மட்டுமல்லாது மாற்று மத நண்பர்களுக்கும் எடுத்துரைத்து, பிற சமூகமக்களுக்கும் திருக்குர்ஆனை படிக்கக் கொடுத்து ''இஸ்லாம் தீவிரவாதத்தைத் தூண்டும் மார்க்கமல்ல மாறாக சாந்தி சமாதானத்தை போதிக்கும் மார்க்கம்'' என்பதை எடுத்துக் கூறும் முக்கியக் கடமைகளும் நம்மீதுள்ளது என்பதையும் புரிந்து நடப்போமாக!

நமது வாழ்க்கை நெறி திருக்குர்ஆனாக இருக்கட்டும்!நமது வழிமுறை இறுதித் தூதர் முஹம்மது (ஸல்) அவர்களின் அடிச்சுவடாகவே அமையட்டும்!!

இவ்வுலக வாழ்க்கை வீணும் விளையாட்டுமேயன்றி வேறில்லை. மறுமை வாழ்வுதான் உண்மையான வாழ்வாகும். அவர்கள் (மனிதர்கள்) அறியக்கூடாதா? (திருக்குர்ஆன் 29:64)

மனிதர்களுக்கு அவர்களுடைய கணக்கு விசாரணை (நாள்) நெருங்கி விட்டது. ஆனால் அவர்களோ (அதனைப்) புறக்கணித்துப் பராமுகமாக இருக்கிறார்கள். (திருக்குர்ஆன் 21:1)


இதையும் பார்க்க:-
                 * பன்றி இறைச்சி உண்பது தடை செய்யப்பட்டுள்ளது பற்றி க... 
                 * ஒன்றுபட்ட முஸ்லிம் சமுதாயமே இஸ்லாத்தின் இலட்சியம்
                   * இஸ்லாத்தின் பார்வையில் முட்டாள்கள் தினம் ஓர் ஆய்வு... 
                   * இறுதித் தூதுவராக வருகை தந்த நபி (ஸல்) அவர்கள்
                   * "எந்த மனிதரும் எந்த மனிதரின் காலிலும் விழக் கூடாது... 

  

                                      தூய வழியில் பயணிப்போம் வாருங்கள்...!
மனித வாழ்வில் ஏற்படுகின்ற அனைத்து விதமான பிரச்சினைகளுக்கும் அல்லாஹ்வின் வேதமாகிய அல்குர்ஆனிலும், அண்ணல் நபியின் போதனைகளிலும் தீர்வுகளைக் காணலாம், அவற்றில் நீதித்துறை சார்ந்த சட்ட திட்டங்களும் உள்ளடங்கும். இஸ்லாமிய நீதித்துறை பற்றியும், அதன் தீர்ப்புக்கள் பற்றியும் அறியாத அரைகுறைகளால் இஸ்லாமிய சட்டங்கள் அர்த்தமற்ற முறையில் விமர்சிக்கப்படுகின்றதே தவிர புத்தி ஜீவிகளால் அவை என்றும் விமர்சிக்கப்பட்டதில்லை.

முஸ்லிம் காழிகள் நீதி மன்றங்கள்

இஸ்லாமிய நாடுகளில் முஸ்லிம்கள் தமது மார்க்க விவகாரங்களை உலமா சபைகள் மூலமாகவும், உரிமைகள், சட்டம் சார்ந்த அம்சங்கைள காதிகளின் நீதிமன்றங்கள் ஊடாகவும் அணுகுகின்றனர். உலகில் 45 வீதமான முஸ்லிம்கள் சிறுபான்மையினராகக் வாழ்கின்றனர் என ஆய்வறிக்கைள் கூறுகின்றன. இவர்கள் வாழும் ஜனநாயக நாடுகளில் ஜனநாயக சட்ட விதிமுறைகளின் படியும், இஸ்லாமிய வழிகாட்டலை அடிப்படையாகக் கொண்டும் தமது பிரச்சினைகளைத் தீர்த்துக் கொள்கின்றனர். முஸ்லிம்கள் சிறுபான்யைமிராக வாழும் நாடுகளில் இலங்கைத் தேசமும் ஒன்றாகும். அங்கு 60 காதிகள் நீதிமன்றங்கள் இருப்பதாக ஆய்வுகள் குறிப்பிடுகின்றன.
இந்த 60 காதிகள் நீதிமன்றங்களுக்கும் முறைப்பாடாக தலாக், ஜீவனாம்சம், ஓடிப்போய் மணம் முடித்தல், மாற்றுமதத்தவரை முஸ்லிம் ஆண், அல்லது பெண் மண முடிப்பது, கணவன், மனைவி பிரச்சினைகள் போன்ற வரையறுக்கப்பட்ட முறைப்பாடுகளே முக்கியமானவைகள். உண்மையில் இவ்வாறு வரையறுக்கப்பட்ட பிரச்சினைகளை மாத்திரம் சவூதி அரேபியா போன்ற இஸ்லாமிய நாடுகளில் உள்ள காதிகள் நீதி மன்றங்கள் உள்வாங்கிக் கொள்வதில்லை, மாற்றமாக கொலை, கொள்ளை, காணி விவகாரம், உரிமைகள் என அவற்றின் எல்லைகள் நீண்டும், விரிவடைந்தும் செல்வதை அவதானிக்க முடிகின்றது.


இருந்தாலும் முஸ்லிம்கள் சிறூபன்மையிராக வாழுகின்ற நாடொன்றில் இவ்வாறான முஸ்லிம் காதி நீதிமன்றங்கள் பிரத்தியேகமாக அமைக்கப்பட்டு, அவகைள் ஊடாக வரையறுக்கப்பட்ட பிரச்சினைகளாவது பேசப்படுவது என்பது உண்மையில் ஒரு சிறப்பம்சம் என்ற கருத வேண்டி இருக்கின்றது. அவற்றையும் நபிகள் நாயகத்தின் வழி நின்று அணுகும் போது அதன் தனித்தன்மை அலாதியானது என்பதை காதிகள் மறந்துவிடக் கூடாது.

 

காதிகள் கவனத்திற்கு

காதிகள் கையில் எடுத்திருப்பது நீதித்துறையுடன் தொடர்பான பாரிய பொறுப்பாகும். வாழ்க்கைப் பிரச்சினையுடன் தொடர்பான அம்சங்களை சரியாக இனம் கண்டு தீர்க்க முற்பட வேண்டும். இல்லாத போது அல்லாஹ்விடம் பொறுப்புச் சொல்லியாக வேண்டும். எனவே, காதிகளாக வருவோர் பின்வரும் பண்புகளைக் கொண்டவர்களாக இருப்பது காதித்துறைக்கு அவர்கள் செய்கின்ற சேவையும், அல்லாஹ்விடம் தப்பித்துக் கொள்ள உதவும் வழியாகவும் அமையும்.

 

இஸ்லாமிய நீதித்துறை பற்றிய அறிவுள்ளவராக இருத்தல்

இது நம்நாட்டில் உள்ள காதிகள் அனைவரிடமும் இருக்குமா என்பது சந்தேகமே! ஓய்வு பெற்ற பாடசாலை அதிபர், அல்லது திருமணப்பதிவாளர், ஓய்வு பெற்ற அரச உத்தியோகத்தர்கள் போன்றோர் இந்தத்தூய பணியில் அமர்த்தப்பட்டிருக்கின்றனர். இது இஸ்லாமிய நீதித்துறையில் காணப்படும் மிகப்பெரிய குறைபாடாகும். சாந்தி மார்க்கத்தையும், காலாவதியாகிப்போன சில இஸ்லாமிய நூல்களையும் படித்துக் கொண்டு பாரம்பரியமான நம்பிக்கையின் அடிப்படையிலுமே அதிகமான காதி மன்றங்கள் தீர்ப்புக்கள் வழங்குகின்றனவாம். உதாரணமாக முத்தலாக், தன்னொலி கொண்டு திருமணம் செய்யும் முறை, பொலிஸ் வலியாக இருந்து திருமணத்தை நடாத்தி வைத்தல் போன்ற நடைமுறைக்கு அங்கீகராம் போன்ற நடைமுறைகளைக் குறிப்பிடலாம்.

 

மூன்றுவகைக் காதிகள்

الْقُضَاةُ ثَلَاثَةٌ وَاحِدٌ فِي الْجَنَّةِ وَاثْنَانِ فِي النَّارِ فَأَمَّا الَّذِي فِي الْجَنَّةِ فَرَجُلٌ عَرَفَ الْحَقَّ فَقَضَى بِهِ وَرَجُلٌ عَرَفَ الْحَقَّ فَجَارَ فِي الْحُكْمِ فَهُوَ فِي النَّارِ وَرَجُلٌ قَضَى لِلنَّاسِ عَلَى جَهْلٍ فَهُوَ فِي النَّارِ (سنن أبي داود )

காதிகள்- நீதிபதிகள் மூவர். ஒருவர் சுவர்க்கவாதி, மற்ற இருவரும் நரகவாதிகளாகும். சத்தியத்தை அறிந்து அதன்படி தீர்ப்புக் கூறியவர் சுவர்க்கவாதியாகும். சத்தியத்தை அறிந்து அதில் அநீதி இழைத்தவர் நரகவாதியாகும். (மூன்றாமவரான) மற்றவர், அறியாமையில் தீர்ப்புக்கூறி நரகத்திற்கு உரியவரானவர் என நபிகள் நாயகம் (ஸல்) அவர்கள் கூறியுள்ளார்கள். (அபூதாவூத்).


அமானிதம் பாழ்படுத்தப்பட்டால் மறுமை எதிர்பார் என நபி (ஸல்) அவர்கள் கூறிய நேரத்தில் அல்லாஹ்வின் தூதரே! அதைப்பாழடித்தல் என்பது எப்படி என (விளக்கம் கோரினார்), ஒரு நபித்தோழர், தகுதி அற்றவர்களிடம் பொறுப்புக்கள் ஒப்படைக்கப்பட்டால் (மறுமைநாளை எதிர்பார்த்துக் கொள்) என நபி (ஸல்) அவர்கள் விளக்கமளித்தார்கள் (புகாரி).

عَنْ عَبْدِ اللَّهِ بْنِ عَمْرِو بْنِ الْعَاصِ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ إِنَّ اللَّهَ لَا يَقْبِضُ الْعِلْمَ انْتِزَاعًا يَنْتَزِعُهُ مِنْ الْعِبَادِ وَلَكِنْ يَقْبِضُ الْعِلْمَ بِقَبْضِ الْعُلَمَاءِ حَتَّى إِذَا لَمْ يُبْقِ عَالِمًا اتَّخَذَ النَّاسُ رُءُوسًا جُهَّالًا فَسُئِلُوا فَأَفْتَوْا بِغَيْرِ عِلْمٍ فَضَلُّوا وَأَضَلُّوا (رواه البخاري – كتاب العلم باب كيف يقبض العلم ) (ومسلم في صحيحيه وبوَّبه النووي (رحمه الله) ب بَاب : رَفْعِ الْعِلْمِ وَقَبْضِهِ وَظُهُورِ الْجَهْلِ وَالْفِتَنِ فِي آخِرِ الزَّمَانِ )

நிச்சயமாக அல்லாஹ் கல்வியை தனது அடியார்களிடமிருந்து ஒரேயடியாக பறித்துவிடமாட்டான். ஆயினும் அறிஞர்களை கைப்பற்றுவதன் மூலம் அவன் கல்வியை கைப்பற்றுவான். கடைசியாக ஒரு அறிஞர்கூட மீதமில்லாமல் ஆக்கிவிட்டதும் மக்கள் அறிவீனர்களை தமது தலைவர்களாக்கிக் nhகள்வர். அவர்களிடம் கேள்வி கேட்கப்பட்டும், அவர்களோ அறிவின்றி மார்க்கத்தீர்ப்பும் வழங்குவார்கள். (இதன் மூலம்) தாமும் வழிகெட்டு பிறரையும் வழிகெடுப்பார்கள் என அல்லாஹ்வின் தூதர் (ஸல்) அவர்கள் கூறினார்கள். (அறிவிப்பவர்: அப்துல்லாஹ் பின் அம்ர் பின் ஆஸ் (ரழி) அவர்கள். ஆதாரம்:- (புகாரி, முஸ்லிம்)

 

தீர்ப்பின் போது கோபம் கொள்ளாதிருத்தல்.

தீர்ப்பளிக்கும் நீதிபதி ஒருவர் கோபமும், ஆத்திரமும் பொங்கிவழியும் ஒருவராக இருப்பது விசனிக்கத்தக்க அம்சமாகும். முஸ்லிம் காதிகள் இதிலிருந்து முற்றாக விலகிக் கொள்ள வேண்டும்.

عَنْ عَبْدِ الرَّحْمَنِ بْنِ أَبِي بَكْرَةَ قَالَ كَتَبَ أَبِي وَكَتَبْتُ لَهُ إِلَى عُبَيْدِ اللَّهِ بْنِ أَبِي بَكْرَةَ وَهُوَ قَاضٍ بِسِجِسْتَانَ أَنْ لَا تَحْكُمَ بَيْنَ اثْنَيْنِ وَأَنْتَ غَضْبَانُ فَإِنِّي سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ لَا يَحْكُمْ أَحَدٌ بَيْنَ اثْنَيْنِ وَهُوَ غَضْبَانُ (صحيح مسلم)

அபூபக்ரா (ரழி) அவர்கள் தனது மகன் அப்துர்ரஹ்மான் என்பவருக்கு அறிவித்த செய்தியை அவர் தனது சகோதரர் உபைதுல்லாஹ் என்பவர் ஸிஜிஸ்தான் என்ற பிரதேசத்தில் காதியாக இருந்த போது பின்வருமாறு எழுதி அனுப்பினார்கள். ‘நீ கோபமுற்ற நிலையில் இருக்கின்ற போது இருவர் மத்தியில் தீர்ப்பளிக்காதே! ஏனெனில், அல்லாஹ்வின் தூதர் அவர்கள் கோபமாக இருக்கின்ற நிலையில் நீ இருவர் மத்தியில் தீர்ப்பளிக்கூடாது என்று கூறியதைத்தான் தான் செவிமடுத்தேன் என்பதாக தந்தை கூறியதை அதில் குறிப்பிட்டிருந்தார்கள். (முஸ்லிம்).

பொறுமை இழந்தவரிடம் கோபம் வருவதுண்டு, கோபத்தால் எதையும் சாதிக்க முடியாமல் போய்விடும். சில காதி வாதிகளால், பிரதிவாதிகளால் தாக்கப்பட்டு, நையப்புடைக்கப்பட்டதற்கு அவர்களின் நீதியான தீர்ப்ப்பல்ல, மாற்றமாக காதிகளின் விசனிக்கத்தக்க பேச்சுக்கள், செயற்பாடுகள் காரமணாக இருந்தனவாம் என்று காதிகள் வட்டாரம் குறிப்பிடுகின்றது.

 

பிறமதத்தவரின் சட்டங்களை அறிந்திருத்தல்.

மனித நேயமிக்க பண்பாடுகளில் இஸ்லாமல்லாத கோட்பாடுகள் அதிகமாக உடன்படுகின்றன. ஆகவே காதிகள் அவைகள் பற்றியும் அறிந்திருப்பது தமது தீர்ப்புகளுக்கு வலுச்சேர்க்கும் ஒன்றாக அமையும். நபிகள் நாயகத்தின் காலத்தில் நடை பெற்ற பின்வரும் நிகழ்வு இதை உறுதி செய்கின்றது.

3363 – عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا أَنَّ الْيَهُودَ جَاءُوا إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَذَكَرُوا لَهُ أَنَّ رَجُلًا مِنْهُمْ وَامْرَأَةً زَنَيَا فَقَالَ لَهُمْ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا تَجِدُونَ فِي التَّوْرَاةِ فِي شَأْنِ الرَّجْمِ فَقَالُوا نَفْضَحُهُمْ وَيُجْلَدُونَ فَقَالَ عَبْدُ اللَّهِ بْنُ سَلَامٍ كَذَبْتُمْ إِنَّ فِيهَا الرَّجْمَ فَأَتَوْا بِالتَّوْرَاةِ فَنَشَرُوهَا فَوَضَعَ أَحَدُهُمْ يَدَهُ عَلَى آيَةِ الرَّجْمِ فَقَرَأَ مَا قَبْلَهَا وَمَا بَعْدَهَا فَقَالَ لَهُ عَبْدُ اللَّهِ بْنُ سَلَامٍ ارْفَعْ يَدَكَ فَرَفَعَ يَدَهُ فَإِذَا فِيهَا آيَةُ الرَّجْمِ فَقَالُوا صَدَقَ يَا مُحَمَّدُ فِيهَا آيَةُ الرَّجْمِ فَأَمَرَ بِهِمَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَرُجِمَا قَالَ عَبْدُ اللَّهِ فَرَأَيْتُ الرَّجُلَ يَجْنَأُ عَلَى الْمَرْأَةِ يَقِيهَا الْحِجَارَةَ (صحيح البخاري )

யூதர்கள் நபி (ஸல்) அவர்களிடம் வந்து, அவர்களில் உள்ள (திருமணமான) ஒரு ஆணும், பெண்ணும் விபச்சாரம் செய்ததாக முறையிட்டனர், கல்லெறிந்து கொல்வது பற்றி தவ்ராத்தில் என்ன இருக்கக் காண்கின்றீர்கள் என அவர்களிடம் நபி (ஸல்) அவர்கள் கேட்டார்கள், நாம் அவர்களைக் கேவலப்படுத்துவோம், (இக்குற்றத்திற்காக) அவர்கள் கசையடி கொடுக்கப்படுவார்கள் என்றனர், அதற்கு அப்பதுல்லாஹ் பின் ஸலாம் (ரழி) அவர்கள் நீங்கள் பொய் சொன்னீர்கள், அதில் கல்லெறிந்து கொல்லும்படிதான் இருக்கின்றது , தவ்ராத்தை உடன் கொண்டுவாருங்கள் எனக் கூறினார்கள். (அவர்கள் கொண்டு வந்து) அதை விரித்தார்கள், அவர்களில் ஒருவன் கல்லெறிந்து கொல்வது பற்றிய வசனத்தின் மீது தனது கையை வைத்து (மறைத்தான்).

அதற்கு முன்னரும், பின்னரும் இடம் பெறும் செய்தியை வாசித்தான், அவனிடம் உனது கை எடு என்றார்கள் அப்துல்லாஹ் பின் ஸலாம் (ரழி) அவர்கள், அவனது கையை அவன் உயர்த்திய போது, அதில் ரஜ்ம் பற்றி வசனம் இருந்தது. உடனே யூதர்கள் அவர் உண்மை உரைத்தார் எனக் கூறிவிட்டு, அவ்விருவரையும் கல்லெறிந்து கொலை செய்யும்படி பணித்தார்கள், பின்பு, அவர்கள் இருவரும் கல்லெறிந்து கொல்லப்பட்டார்கள். அப்போது, ஒரு மனிதன் பெண்ணின் பக்கமாக சாய்ந்து அவளைக் கல்லில் இருந்து காப்பதைப் பார்த்தேன் என அப்துல்லாஹ் (ரழி) அவர்கள் கூறுகின்றார்கள் (புகாரி)

 

இறை சட்டத்துடன் நின்று கொள்ளுதல்.

4140 – عَنْ أَنَسٍ أَنَّ الرُّبَيِّعَ عَمَّتَهُ كَسَرَتْ ثَنِيَّةَ جَارِيَةٍ فَطَلَبُوا إِلَيْهَا الْعَفْوَ فَأَبَوْا فَعَرَضُوا الْأَرْشَ فَأَبَوْا فَأَتَوْا رَسُولَ اللَّهِ صَلَّى اللَّهُ عَلَيْهِ وَسَلَّمَ وَأَبَوْا إِلَّا الْقِصَاصَ فَأَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِالْقِصَاصِ فَقَالَ أَنَسُ بْنُ النَّضْرِ يَا رَسُولَ اللَّهِ أَتُكْسَرُ ثَنِيَّةُ الرُّبَيِّعِ لَا وَالَّذِي بَعَثَكَ بِالْحَقِّ لَا تُكْسَرُ ثَنِيَّتُهَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَا أَنَسُ كِتَابُ اللَّهِ الْقِصَاصُ فَرَضِيَ الْقَوْمُ فَعَفَوْا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ مِنْ عِبَادِ اللَّهِ مَنْ لَوْ أَقْسَمَ عَلَى اللَّهِ لَأَبَرَّهُ ( أخرجه البخاري ، وفي رواية له : فَرَضِيَ الْقَوْمُ وَقَبِلُوا الْأَرْشَ )

அனஸ் (ரழி) அவர்களின் தாயின் சகோதரி றுiபிய்யிஃ அவர்கள் ஒரு அடிமைப் பெண்ணின் முன் பல்லை உடைத்துவிட்டார்கள், அதற்காக அவரின் கூட்டத்தாரிடம் (இவரின் சார்பாக) மன்னிப்புக்கோரினார்கள், மன்னிப்புத் தர அவர்கள் மறுத்து விட்டனர், நஷ்டஈடு தருவதாகக் கூறப்பட்டது அதையும் அவர்கள் மறுத்து விட்டனர், பழிக்குப்பழி என்ற நிலையிலேயே நின்றனர், நபி (ஸல்) அவர்கள் கிஸாஸ் சட்டத்தை நிறைவேற்றும்படி பணித்தார்கள், அனஸ் பின் நள்ர் (ரழி) அவர்கள், றுபிய்யிஃ உடைய முன் பல் உடைக்கப்படுவதா? சத்தியத்தைக் கொண்டு உம்மை அனுப்பியவன் மீது சத்தியமாக அவரது முன்பல் உடைக்கப்படாது என்றார்கள், நபி (ஸல்) அவர்கள் அனஸே! அல்லாஹ்வின் வேதத்தில் உள்ளபடி அல்கிஸாஸ் சட்டமே (நிறைவேற்றப்பட வேண்டும்) என்றார்கள், அந்த சமுதயாத்தினர் (நஷ்டஈட்டைப்) பொருந்திக் கொண்டு, அவருக்கு மன்னிப்பு வழங்கினார்கள். அல்லாஹ்வின் அடியார்களில் சிலர் உள்ளனர், அவர்கள் அல்லாஹ்வின் மீது சத்தியம் செய்து கூறுவதை அல்லாஹ் (அங்கீகரித்து) நிறைவேற்றிவைப்பான் என நபி (ஸல்) அவர்கள் கூறினார்கள். (புகாரி). புகாரியின் மற்றொரு அறிவிப்பில், அந்த சமுதாயத்தவர் அதைப் பொருந்திக் கொண்டு, நஷ்டஈட்டையும் ஏற்றுக் கொண்டனர் என இடம் பெற்றுள்ளது.

 

சட்டத்தை சரியாக நடைமுறைப்படுத்துதல்

காதிகள் இஸ்லாமிய சட்டத்தை நடைமுறைப்படுத்துவதில் கண்டிப்பானவர்களாக இருக்க வேண்டும். அதில் விட்டுக்கொடுப்புகள், பாரபட்சம் காட்டுவது, ஓர நீதியுடன் நடந்து கொள்வது போன்றதை விட்டொழிக்க வேண்டும். முஸ்லிம், முஸ்லிமல்லாதவர் என்ற வித்தியாசம் பார்க்கவே கூடாது.

عَنْ أَنَسٍ رَضِيَ اللَّهُ عَنْهُ أَنَّ يَهُودِيًّا رَضَّ رَأْسَ جَارِيَةٍ بَيْنَ حَجَرَيْنِ قِيلَ مَنْ فَعَلَ هَذَا بِكِ أَفُلَانٌ أَفُلَانٌ حَتَّى سُمِّيَ الْيَهُودِيُّ فَأَوْمَأَتْ بِرَأْسِهَا فَأُخِذَ الْيَهُودِيُّ فَاعْتَرَفَ فَأَمَرَ بِهِ النَّبِيُّ صَلَّى اللَّهُ عَلَيْهِ وَسَلَّمَ فَرُضَّ رَأْسُهُ بَيْنَ حَجَرَيْنِ ((صحيح البخاري /2236- بَاب مَا يُذْكَرُ فِي الْإِشْخَاصِ وَالْخُصُومَةِ بَيْنَ الْمُسْلِمِ وَالْيَهُودِ))

யூதன் ஒருவன் ஒரு அடிமைப் பெண்ணின் தலையை இரு கற்பாறைகளுக்கும் இடையில் வைத்து நசுக்கி இருந்தான். (குற்றுயிரான நிலையில் இருந்த போது) உனக்கு இவ்வாறு செய்தது யார்? இவனா? அல்லது இவனா என விசாரித்து (இறுதியாக) ஒரு யூதனைக் கூறி, இவனா என்று கேட்கப்பட்டது, அந்தப் பெண் தனது தலையால் சைனை செய்து ஆம் எனக் கூறினார். உடன் அவன் பிடிக்கப்பட்டான், அந்த யூதனும் தனது குற்றத்தை ஏற்றுக் கொண்டான், நபி (ஸல்) அவர்களின் கட்டளையின் படி அவனது தலை இரு கற்களுக்கும் இடையில் வைத்து நசுக்கப்பட்டு அவன் கொல்லப்பட்டான் (புகாரி).
மற்றொரு சம்பவம்.

عَنْ ابْنِ عُمَرَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِلْمُتَلَاعِنَيْنِ حِسَابُكُمَا عَلَى اللَّهِ أَحَدُكُمَا كَاذِبٌ لَا سَبِيلَ لَكَ عَلَيْهَا قَالَ يَا رَسُولَ اللَّهِ مَالِي قَالَ لَا مَالَ لَكَ إِنْ كُنْتَ صَدَقْتَ عَلَيْهَا فَهُوَ بِمَا اسْتَحْلَلْتَ مِنْ فَرْجِهَا وَإِنْ كُنْتَ كَذَبْتَ عَلَيْهَا فَذَاكَ أَبْعَدُ لَكَ مِنْهَا (مسلم)

சாபச் சத்தியம் (முலாஅனா) செய்து கொண்ட இருவரிடம் உங்கள் இருவரின் கேள்வி கணக்கும் அல்லாஹ்விடமே உள்ளது. உங்களில் ஒருவர் பொய்யர்கள் எனக் கூறிய பின் (அந்தப் பெண்ணின் கணவரிடம்) அவளுக்கும் உனக்கு எவ்வித சம்மந்தமும் இருக்கக் கூடாது எனக் கூறினார், உடனே அவர், அல்லஹ்வின் தூதரே! எனது சொத்துக்களின் நிலை என்ன? எனக் கேட்டார், உனக்கு சொத்துக்கள் தரமுடியாது. நீ அவள் பேரில் உண்மை உரைத்திருப்பின் அவளது மர்மஸ்தானத்தில் இருந்து நீ சுகம் அனுபவித்ததற்காகப் போகட்டும், நீ அவள் பேரில் பொய்யுரைத்திருப்பின் உனக்கும், அதற்கும் மிகத்தூரம் (எடுக்க உரிமையில்லை) எனக் கூறினார்கள். (முஸ்லிம்).,கணவன், மனைவி இருப்போர் சுமத்துகின்ற விபச்சாரக் குற்றச்சாட்டினை எவ்வாறு அணுக வேண்டும் என்ற பாடத்தை இந்த சம்பவத்தின் மூலம் காழிகள் பெற்றுக் கொள்ளலாம்.

 

காழி நீதிமன்றங்களின் காணப்படும் குறைபாடுகள்.

இஸ்லாமிய சட்டத்துறை தொடர்பான சட்டங்கள் அடங்கிய தொகுப்புக்கள் அரபி மொழியில் காணப்படுவதாலும், தமிழ், அல்லது சிங்கள மொழி மூலம் அவை தனித்தொகுப்பாக வெளிவராத காரணத்தாலும் அரபு மொழி அறிவு அற்ற காதிகளின் தீர்ப்பில் முரண்பாடுகள், குறைபாடுகள் நிச்சயம் ஏற்படவே செய்யும்.

இலங்கையில் காதிகளாக இருப்போரில் பெரும்பாலானவர்கள் இஸ்லாமிய சட்டதிட்டங்கள் பற்றிய அறிவும், ஆராய்ச்சியும் அற்றவர்கள், அல்லது குறைவான அறிவுடையவர்கள் என்பதே உண்மை. எனவே அவர்கள் இஸ்லாமிய சட்டங்கள் தொடர்பாக அதிகம் அறிந்திருப்பது அவசியமானதாகும்.

அதே போன்று நீதி மன்றத்திற்கென தனியான கட்டடங்கள் இல்லாதிருப்பது, குறித்த மதஹபைப் பின்பற்றி சட்டம் செய்வது, சாதராண விசயத்திற்கும் பல மாதங்கள் தாமதிப்பது போன்ற இன்னும் சில குறைபாடுளை அவதானிக்க முடிகின்றது. இதற்கு ஒரு சில மாவட்டங்கள் விதிவிலக்காக இருக்கலாம்.
இவ்வாறான குறைபாடுகளை நீக்கிட கல்விமான்கள், இஸ்லாமிய சட்டவியல் ஆராய்ச்சியாளர்கள் முஸ்லிம் நீதிபதிகள் குழு ஒன்று அமைக்கப்பட்டு காதிகளுக்கான சட்டங்களை பரிசீலினை செய்ய வழி செய்யப்படுவதன் மூலம் நிவர்த்தி செய்யலாம். இதை புதிய நீதி அமைச்சராகப் பொறுப்பேற்றுள்ள அமைச்சர் ரஊஃப் ஹகீம் முஸ்லிம் அமைச்சர் என்ற வகையில் இது பற்றி சிந்தித்து காத்திரமான முடிவை எடுக்கலாம் எனப்து நமது கருத்தாகும்.

இதையும் பார்க்க:-
                   *  அல்லாஹ்வை ஈமான் கொள்ள வேண்டும்...!!
                 * இயேசு சிலுவையில் அறையப்படவில்லை..( அதிகமாக பகிருங்...
                 *  கரு வளர்ச்சியும் அல்குர்ஆனின் அற்புதமும்
                 *  இறுதித் தூதுவராக வருகை தந்த நபி (ஸல்) அவர்கள்
                 *  தாயத்துக்கும் சயனைடு குப்பிக்கும் உள்ள கள்ள உறவு

                                      தூய வழியில் பயணிப்போம் வாருங்கள்...!

என் அன்பிற்க்கினிய சகோதர, சகோதரிகளே..

"இஸ்லாம்" இறைவனின் மார்க்கம் "திருக்குர்ஆன்" இறைவனின் வேதம் தான் என்பதற்க்கும் திருமறை முழுவதும் நற் சான்றுகள் நிரம்பி உள்ளன. "அல்லாஹ்"வின் இறுதி தூதர் முஹம்மது"நபி(ஸல்..) அவர்கள் வாழ்ந்து காட்டிய உலக வாழ்க்கையின் வரலாற்று தொகுப்புகள்(ஹதீஸ்), மற்றும் திருக்குர்ஆன் முழுவதும், இவர் இறை துாதர் தான் என்று நற் சாட்சியம் பகர்கின்றன.

இவ்விரண்டும் தான் நம் வாழ்க்கை நன் நெறியாகும். நாம் வாழும் சமூகத்தில் நம் கண் முன் நிகழும் உண்மை நிகழ்வுகள் பல... அதில் பெற்ற தாய், தந்தையரை பேணுபவரின் வாழ்க்கை தரத்தை சற்று கூர்ந்து கவனித்தால் பல பேர் மேம்பட்டவராகவே! இருப்பதை காண்கிறோம். இது "அல்லாஹ்" நமக்கு அளிக்கும் மறைவான அருள் ஆகும். இறைவனின் கூற்றையும், நபிகள் நாயகம்(ஸல்..) அவர்களின் சொல், செயல்,அங்கீகாரம், இவை அனைத்தையும் கற்று, சற்று சிந்தித்து, செயல்பட்டால் நீங்களும் இம்மை, மறுமை இவ் விரண்டிலும் மேம்பட்டவரே!

சில எடுத்துக்காட்டுகள் இதோ!...

அளவற்ற அருளாளன், நிகரற்ற அன்புடையோன் பெரும் கருணையாளன் எல்லாம் வல்ல "அல்லாஹ்" ரப்புல் ஆலமீன் ! தன் திருமறையில் கூறுகிறான்.
அல்லாஹ்வை வணங்குங்கள்! அவனுக்கு எதையும் இணையாகக் கருதாதீர்கள்! பெற்றோர்களுக்கு நன்மை செய்யுங்கள். திருக்குர்ஆன் 4:36

"என்னைத் தவிர வேறு யாரையும் வணங்காதீர்கள்! பெற்றோருக்கு உபகாரம் செய்யுங்கள்!" என்று உமது இறைவன் கட்டளையிட்டுள்ளான். உம்முடன் இருக்கும் அவ்விருவருமோ, இருவரில் ஒருவரோ முதுமையை அடைந்து விட்டால் அவ்விருவரை நோக்கி " சீ " எனக்கூறாதே! அவ்விருவரையும் விரட்டாதே! மரியாதையான சொல்லையே அவ்விருவரிடமும் கூறுவீராக!
திருக்குர்ஆன் 17:23

அன்புடன் பணிவு எனும் சிறகை அவ்விருவருக்காகவும் தாழ்த்துவீராக! " சிறுவனாக இருக்கும் போது என்னை இருவரும் பராமரித்தது போல் இறைவா! இவ்விருவருக்கும் அருள் புரிவாயாக!" என்று கேட்பீராக! திருக்குர்ஆன் 17:24

மனிதனுக்கு அவனுடைய பெற்றோரைக் குறித்தும் வலியுறுத்தியுள்ளோம். அவனை அவனுடைய தாய் பலவீனத்துக்கும் மேல் பலவீனப்பட்டவளாகச் சுமந்தாள். அவர் பாலருந்தும் பருவம் இரண்டு ஆண்டுகள். திருக்குர்ஆன் 31:14

தனது பெற்றோருக்கு நன்மை செய்யுமாறு மனிதனுக்கு வலியுறுத்தினோம். அவனை அவனது தாய் சிரமத்துடன் சுமந்தாள். சிரமத்துடனே ஈன்றெடுத்தாள். அவனைச் சுமந்ததும், பால் குடியை மறந்ததும் முப்பது மாதங்கள்.
திருக்குர்ஆன் 46:15

எங்கள் தலைவர் முஹம்மதுநபி(ஸல்...) அவர்கள் நவின்ற பொன் மொழிகள் இதோ!...

"அல்லாஹ்வின் துாதரே! மனிதர்களிலேயே நான் தோழமை கொள்ள அதிக உரிமை படைத்தவர் யார்?" என்று நான் கேட்டேன். அதற்க்கு நபி(ஸல்) அவர்கள் "உன் தாய்" என்றார்கள். அடுத்ததாக யார் ? எனக்கேட்டேன். "உன் தாய்" என்றார்கள். அடுத்ததாக யார்? எனக்கேட்டேன். "உன் தாய் " என்றார்கள். அடுத்ததாக யார்? எனக்கேட்டேன். "உன் தந்தை " என்றார்கள்.
அறிவிப்பவர்: அபூஹுரைரா(ரலி) நுால்: புகாரி(5971)

நபி (ஸல்) அவர்கள் கூறினார்கள்: அன்னையரைப் புண்படுத்துவது, (அடுத்தவருக்குத் தர வேண்டியதை) தர மறுப்பது, (அடுத்தவருக்கு உரியதைத்) தருமாறு கேட்பது, பெண் சிசுக்களை உயிருடன் புதைப்பது ஆகியவற்றை அல்லாஹ் தடை செய்துள்ளான்.அறிவிப்பவர்: முஃகிரா பின் ஷூஅபா(ரலி) நுால்:புகாரி (5975)

நபி (ஸல்) அவர்களிடம் பெரும்பாவங்கள் பற்றி கேட்கப்பட்டது. நபி (ஸல்) அவர்கள், "அல்லாஹ்வுக்கு இணை வைப்பது, பெற்றோருக்கு துன்பம் கொடுப்பதுமாகும் என்று கூறினார்கள்.அறிவிப்பவர்: அனஸ்(ரலி)                 நுால்: புகாரி(2653)

"ஒரு மனிதர் தம் தாய் தந்தையரைச் சபிப்பது பெரும் பாவங்களில் உள்ளதாகும்" என அல்லாஹ்வின் துாதர்(ஸல்) அவர்கள் கூறினார்கள்.
அறிவிப்பவர்: அப்துல்லாஹ் பின் அம்ர்(ரலி) நுால்:புகாரி(5973)

நான் நபி( ஸல்) அவர்களிடம், "கண்ணியமும், மகத்துவமும் வாய்ந்த அல்லாஹ்விற்க்கு மிகவும் விருப்பமான செயல் (அமல்) எது?" என்று கேட்டேன். அவர்கள், " தொழுகையை அதற்குறிய நேரத்தில் நிறைவேற்றுவது " என்றார்கள். "பிறகு எது?" என்று கேட்டேன். "தாய்,தந்தையருக்கு நன்மை செய்வது" என்றார்கள். அறிவிப்பவர்: அப்துல்லாஹ் பின் மஸ்ஊத்(ரலி)             நுால்: புகாரி(5970)

ஒரு கிராமவாசி நபி(ஸல்) அவர்களிடம் வந்து அல்லாஹ்வின் துாதரே! பெரும் பாவங்கள் எவை என்று கேட்டார். நபி(ஸல்) அவர்கள் இறைவனுக்கு இணை கற்பிப்பது என்றார்கள். அவர் பிறகு எது என்றார். நபி(ஸல்) அவர்கள் பிறகு தாய் , தந்தையரைப்புண்படுத்துவது என்றார்கள். அவர் பிறகு எது எனக்கேட்க நபி(ஸல்) அவர்கள் பொய் சத்தியம் என்றார்கள். நான் பொய் சத்தியம் என்றால் என்ன? என்று கேட்டேன். நபி(ஸல்) அவர்கள் பொய் சொல்லி ஒரு முஸ்லிமான மனிதரின் செல்வத்தைக் கைபற்றுவதற்காகச் சத்தியம் செய்வது என்றார்கள்.அறிவிப்பவர்:-அப்துல்லாஹ் பின் அம்ர்(ரலி) நுால்:- ஸஹீஹுல் புகாரி:-6920

இந்த நன் நெறிகளை கற்று, சிந்தித்து , செயல் படுத்தி "தவ்ஹீத்" கொள்கையை உயிர் மூச்சாக ஏற்று தடம் புரளாமல் என்றென்றும் நிலையான "ஏகத்துவம்", எத்தி வைத்து வாழ எல்லாம் வல்ல அல்லாஹ் நம் அனைவருக்கும் நல் அருள் புரிந்து இவ்விரு உலகிலும் நன் மக்களாக ஆக்கி வைப்பானாக !
அல்ஹம்துலில்லாஹ்..

 இதையும் பார்க்க:-
                    * வலீமா புறக்கணிப்பு சரியா...?
                  * பெண்களின் கண்ணியம்...!
                  * அல்லாஹ்வை ஈமான் கொள்ள வேண்டும்...!!
                  * மகத்துவமிக்க லைலதுல் கத்ரின் சிறப்புகள்...!!
                  * இஸ்லாத்தின் பார்வையில் முட்டாள்கள் தினம் ஓர் ஆய்வு...